Европа на преминот меѓу јули и август ја очекува нов силен топлотен бран, кој според прогнозите на „Severe Weather Europe“ ќе донесе екстремно високи температури, особено во западниот, централниот и јужниот дел од континентот.
Метеоролозите предупредуваат дека над голем дел од Европа ќе се формира таканаречена „топлотна купола“, атмосферски феномен што го задржува жешкиот воздух над истото подрачје со денови, што дополнително ги зголемува температурите.
Најпрво, најсилниот удар на горештините ќе го почувствуваат Шпанија, Португалија и Франција, каде што температурите кон крајот на јули и почетокот на август на повеќе места би можеле да надминат 40 Целзиусови степени, а локално да достигнат и до 45 степени.
Потоа, топлиот воздушен бран ќе се прошири кон централна Европа, Италија, Унгарија и северниот дел на Балканот. Во другиот дел од Балканот и Македонија температурите главно ќе се движат меѓу 35 и 39 степени, што исто така претставува сериозен ризик за постарите лица, хронично болните, децата и луѓето кои работат на отворено.
Метеоролозите предупредуваат и на појава на тропски ноќи, кога температурите нема да се намалуваат доволно за организмот и објектите да се разладат, што дополнително ќе го зголеми здравствениот ризик.
Според сегашните прогнози, овој атмосферски систем би можел да се задржи над Европа речиси две недели, носејќи долготрајни горештини и зголемена опасност од пожари во повеќе земји
Слични новости
Општините со милијарди денари ненаплатени даноци и такси
ДЗР утврди дека единиците на локалната самоуправа не ги користат целосно своите фискални капацитети, што резултирало со речиси три милијарди денари ненаплатени побарувања од даноци, такси и надоместоци во периодот од 2020 до 2024 година.
УХМР со предупредување за ново невреме денеска
Според прогнозата, на повеќе места ќе има пороен дожд, грмежи и засилен ветер, а локално ќе се создадат услови за невреме проследено со појава на град.
11 пациенти на Ургентен, како последица на повреди од вчерашното невреме во Скопје
Вкупно 11 пациенти биле примени во Ургентниот хируршки центар по невремето што вчера го зафати Скопје, од кои тројца се здобиле со тешки телесни повреди, а осум со полесни телесни повреди.