Европа на преминот меѓу јули и август ја очекува нов силен топлотен бран, кој според прогнозите на „Severe Weather Europe“ ќе донесе екстремно високи температури, особено во западниот, централниот и јужниот дел од континентот.
Метеоролозите предупредуваат дека над голем дел од Европа ќе се формира таканаречена „топлотна купола“, атмосферски феномен што го задржува жешкиот воздух над истото подрачје со денови, што дополнително ги зголемува температурите.
Најпрво, најсилниот удар на горештините ќе го почувствуваат Шпанија, Португалија и Франција, каде што температурите кон крајот на јули и почетокот на август на повеќе места би можеле да надминат 40 Целзиусови степени, а локално да достигнат и до 45 степени.
Потоа, топлиот воздушен бран ќе се прошири кон централна Европа, Италија, Унгарија и северниот дел на Балканот. Во другиот дел од Балканот и Македонија температурите главно ќе се движат меѓу 35 и 39 степени, што исто така претставува сериозен ризик за постарите лица, хронично болните, децата и луѓето кои работат на отворено.
Метеоролозите предупредуваат и на појава на тропски ноќи, кога температурите нема да се намалуваат доволно за организмот и објектите да се разладат, што дополнително ќе го зголеми здравствениот ризик.
Според сегашните прогнози, овој атмосферски систем би можел да се задржи над Европа речиси две недели, носејќи долготрајни горештини и зголемена опасност од пожари во повеќе земји
Слични новости
СДСМ поднесе кривична пријава против министерот Клековски и тројца функционери за труењето со вода во Гостивар
Помина повеќе од еден месец, цел град Гостивар беше отруен со загадена вода. Речиси 5.000 граѓани завршија во болница. Здравствена катастрофа и тотален распад на институциите. Одговорност од власта, од здравствените институции досега нема, а нема ниту чиста вода во Гостивар
Грчките цариници запленија над 1.000 боци нелегален фреон – 296 се откриени во камион од Македонија
Во раните утрински часови на граничниот премин Дојрани, при контрола на празен товарен контејнер од Северна Македонија, во специјално направена преграда биле откриени 296 боци нелегална разладна течност од типот R134a, за кои царините и даноците се пресметуваат во износ од 55.000 евра
ССНМ: Новинарите мора да имаат пристап до информации
Одлуката за тоа кои прашања се релевантни не се во надлежност на владините комуникациски служби — тоа е во надлежност на новинарите, медиумите и јавноста. Ваквата пракса не смее да продолжи.