Европа на преминот меѓу јули и август ја очекува нов силен топлотен бран, кој според прогнозите на „Severe Weather Europe“ ќе донесе екстремно високи температури, особено во западниот, централниот и јужниот дел од континентот.
Метеоролозите предупредуваат дека над голем дел од Европа ќе се формира таканаречена „топлотна купола“, атмосферски феномен што го задржува жешкиот воздух над истото подрачје со денови, што дополнително ги зголемува температурите.
Најпрво, најсилниот удар на горештините ќе го почувствуваат Шпанија, Португалија и Франција, каде што температурите кон крајот на јули и почетокот на август на повеќе места би можеле да надминат 40 Целзиусови степени, а локално да достигнат и до 45 степени.
Потоа, топлиот воздушен бран ќе се прошири кон централна Европа, Италија, Унгарија и северниот дел на Балканот. Во другиот дел од Балканот и Македонија температурите главно ќе се движат меѓу 35 и 39 степени, што исто така претставува сериозен ризик за постарите лица, хронично болните, децата и луѓето кои работат на отворено.
Метеоролозите предупредуваат и на појава на тропски ноќи, кога температурите нема да се намалуваат доволно за организмот и објектите да се разладат, што дополнително ќе го зголеми здравствениот ризик.
Според сегашните прогнози, овој атмосферски систем би можел да се задржи над Европа речиси две недели, носејќи долготрајни горештини и зголемена опасност од пожари во повеќе земји
Слични новости
Жителите на четири струмички села се без вода за пиење – има индикатори за фекално загадување
Жителите на Рич, Попчево, Белотино и Вељуса не смеат да ја користат водата од локалните водоснабдителни објекти за пиење, поради утврдена микробиолошка неисправност.
Во понеделник нова вонредна дератизација во Центар
Општина Центар во понеделник повторно ќе спроведе вонредна дератизација на повеќе локации во општината, откако зголемено присуство на глодари било забележано и покрај тоа што претходната акција била спроведена пред само еден месец.
Филипче: Граѓаните на референдум да одлучат дали сакаат рудници во близина на своите домови
Филипче рече дека граѓаните мора да имаат право директно да одлучат дали во нивната непосредна околина ќе има рудници, особено во услови кога веќе постојат сериозни проблеми со квалитетот и безбедноста на водата