Цените на нафтата се искачија над 71 долар за барел во понеделникот, бидејќи кинеските стимулации на потрошувачката и обновените тензии во Црвеното Море ги надминаа шпекулациите дека олеснувањето на американските санкции може да го отвори патот за зголемени испораки од Русија.
На лондонскиот пазар со барелот нафта попладнето се тргуваше по цена повисока за 48 центи во однос на затворањето на тргувањето на крајот на минатата седмица, 71,06 долари. Речиси за исто толку порасна цената на барелот на американскиот пазар каде се тргуваше по 67,63 долари.
Оргенизацијата на земјите извознички на нафта (OPEC) засебно објави дека барелот од референтната кошничка нафта на нејзините членки поетнил за 36 центи на 72,98 долари во петокот.
На почетокот од седмицата, расположението на пазарите беше обележано со обновени американски напади врз Јемен. Американскиот претседател Доналд Трамп нареди напад врз позициите на движењето Ансар Ала во Јемен во саботата, откако тие објавија дека со напади ќе го попречуваат сообраќајот низ Црвеното Море. Јеменското движење извести дека продолжува со нападите врз бродови поврзани со Израел сѐ додека Тел Авив го блокира договорот за прекин на огнот во окупираниот палестински Појас Газа.
Во понеделникот, цел на нападите беа пристаништето Ходеида на Црвеното Море и регионот Ал Џауф северно од главниот град Сана, јави јеменската телевизија. Воената операција на САД може да потрае со седмии, изјави неименуван американски функционер за Reuters.
Кинеските економски податоци, исто така, дадоа поддршка за цените на почетокот на неделата. Продажбата на мало во Кина се забрза во јануари и февруари, и покрај зголемената невработеност, а рафинирањето на нафта во рафинериите благо порасна, поттикнато од посилната побарувачка во сезоната на патувања за одмор. За да се компензира за слабеењето на странската побарувачка, Пекинг одлучи да го насочи својот фокус на домашната потрошувачка.
„Пазарот во понеделник е поддржан од кинеските планови за стимулирање на потрошувачката и обновените ризици во Црвеното Море“, заклучи Оле Хансен од „Saxo Bank“.
Повлекувањето на цената беше, сепак, најавениот разговор меѓу американскиот претседател Доналд Трамп и рускиот претседател Владимир Путин за ставање крај на војната во Украина, при што аналитичарите шпекулираат дека руско-украинските мировни преговори би можеле да ги зголемат шансите руската нафта да се врати на светските пазари.
Трговците, исто така, се вознемирени од новите царини и одлуката на OPEC и неговите сојузници големи независни произодители предводени од Русија (OPEC+) да ја зголемат понудата почнувајќи од април.
„Но, ова зголемување ќе биде неутрализирано со построги американски санкции кон Иран“, забележува Хансен.
Слични новости
Пад на Волстрит пред состанокот на централна банка
На Волстрит цените на акциите значително паднаа во вторникот, по двата дена раст, бидејќи инвеститорите не сакаа да преземаат ризици пред состанокот на челниците на американската централна банка
Аеродромот во Франкфурт сè уште го брка нивото пред пандемијата
Аеродромот во Франкфурт значително ги зголеми приходите минатата 2024 година, со поголем број патници, објави во вторникот операторот „Fraport“, проценувајќи дека трендот на раст ќе продолжи оваа година, но сепак ќе биде значително под нивото пред пандемијата
Доларот тоне, нов рекорд на златото
ндексот на доларот, кој ги мери перформансите на зелената банкнота во однос на шесте главни светски валути, во вторникот претпладнето изнесуваше 103,44 поени и сѐ уште се движи близу петмесечниот минимум