Цените на нафтата пораснаа до 71 долар на меѓународните пазари во петокот, откако руски функционер навести дека водечките производители би можеле да го преиспитаат планираното зголемување на понудата.
На лондонскиот пазар цената на барелот попладнето беше за 1,59 долари повисока од вчерашното затворање на тргувањето, на 71,05 долари. На американскиот пазар со барелот се тргува по 1,48 долари повисока цена, по 67,84 долар
Организацијата на земјите извознички на нафта (OPEC) засебно објави дека со барелот од кошничката нафта на нејзините членки во четвртокот се тргувало за 75 центи пониско, на 71,75 долари.
Поттикнување на цените на крајот на седмицата беше изјавата на рускиот вицепремиер Александр Новак дека OPEC и нејзините сојузници големи независни производители предводени од Русија може да го сменат правецот на производната политика по најавеното зголемување на понудата од април.
„Ако пазарот е надвор од рамнотежа, секогаш можеме да го промениме правецот“, рече Новак, укажувајќи дека тие би можеле дополнително да ја намалат понудата.
Од 2022 година, групацијата позната како OPEC+ ја намали понудата за околу 5,87 милиони барели дневно, што е еквивалентно на приближно 5,7 отсто од глобалната побарувачка. Во декември, осумте членки на OPEC+ одлучија да вратат 2,2 милиони барели на пазарот, од април 2025 година до октомври 2026 година.
Тие ја потврдија одлуката претходно оваа седмица, која треба да ја зголеми понудата за 138.000 барели дневно од април, според пресметките на Reuters.
Се чини дека OPEC+ згрешил во својата проценка дека нафтениот пазар може да апсорбира повеќе барели и дека цените нема да паднат, според Хари Тчилингуиријан од „Onyx Capital Group“.
Рускиот вицепремиер сигнализираше претпазливост, а неговата порака е само потсетник за групата дека нивните идни потези ќе зависат од ситуацијата на пазарот, додава Тчилингвиријан. Има и други опции за испраќање вакви сигнали, нагласува тој.
„Пазарот можеби претерал со најавеното зголемување на производството и Новак појасни дека ќе испрати повеќе барели на пазарот само ако може да ги апсорбира“, забележува аналитичарот на UBS, Џовани Стауново.
Вниманието на трговците го привлече и изјавата на американскиот министер за финансии Скот Бесент, која сигнализираше дека Вашингтон сака значително да го ограничи извозот на иранска нафта.
Американскиот претседател Доналд Трамп размислува за проверка на иранските танкери на море, објави во четвртокот Reuters, повикувајќи се на информирани извори.
Цените беа поддржани и со суспензијата на новите американски царини за повеќето увозни стоки од Канада и Мексико. Исклучок се царините за челик и алуминиум, кои треба да стапат на сила на 12 март.
„Одложувањето донесе олеснување, но пазарот сè уште балансира помеѓу политичката несигурност и стравувањата од прекумерно снабдување“, вели аналитичарот на „Rystad Energy“, Мукеш Сахдев.
Слични новости
Еврото зајакна во однос на доларот за повеќе од 4 отсто, најмногу во последните 16 години
На девизните пазари, вредноста на доларот во однос на кошницата валути драстично падна минатата седмица, при што курсот на еврото во однос на доларот скокна за повеќе од 4 отсто, што е негова најголема седмична добивка во последните 16 години.
Волстрит падна поради пресвртите на Трамп, европските берзи растат
На Волстрит цените на акциите драстично паднаа минатата седмица поради неизвесноста околу трговската политика на Вашингтон, додека европските берзи пораснаа откако Европската централна банка дополнително ги намали каматните стапки
Швеѓаните почнуваат бојкот на американските производи како одговор на промената на политиката на САД
Серијата иницијативи за бојкот на американските производи се појави како одговор на промената на американската политика, вклучувајќи да одлуката на Вашингтон да ја прекине поддршката на Украина и да воведе царински тарифи на стоките од Европа