Цените на нафтата се искачија во вторник на меѓународните пазари до 70 долари, бидејќи послабиот американски долар ја поддржа побарувачката, засенувајќи ги стравувањата дека бранот царини може да предизвика рецесија во САД.
На лондонскиот пазар барел нафта попладне се тргува по цена од 77 центи повисока од вчерашното затворање на пазарот на 70,05 долари. Вчера го затвори тргувањето на минус 1,08 долари.
На американскиот пазар со барелот денеска се тргуваше за 70 центи поскапо, на 66,73 долари. Вчера го затвори тргувањето на минус 1,01 долар.
Организацијата на зенјите извознички на нафта (OPEC) засебно објави дека барелот од референтната кошничка нафта на нејзините членки во понеделникот поскапел за 19 центи, на 72,74 долари.
На почетокот од седмицата расположението на пазарот беше обележано со стравувања дека американските царини за Канада, Мексико и Кина би можеле да го запрат глобалниот економски раст и побарувачката за енергија, а во исто време да ја зголемат понудата од OPEC и нејзините сојузници, независни големи производители предводени од Русија познати како групата OPEC+.
Американскиот претседател Доналд Трамп воведе царини за Канада и Мексико, главните добавувачи на нафта во САД, а потоа ги одложи. САД, исто така, воведоа дополнителни царини за Кина, која возврати со истата мерка, а Отава се приклучи.
„На пазарот владее нервоза, вестите се фаќаат една со друга. Се зборува за рецесија во САД, макро ситуацијата е многу загрижувачка“, нагласува Џон Килдаф од „Again Capital“
Трамп минатиот викенд рече дека може да се очекува „период на транзиција“ и не ја исклучи можноста за рецесија во САД.
Во вторникот цените се стабилизираа по ослабнувањето на американскиот долар, поддржувајќи ја побарувачката од купувачите на нафта со други валути.
Во текот на попладневните часови, инвеститорите повторно беа загрижени од најавата на американскиот претседател дека му наложил на министерот за енергетика да ги зголеми царините за сите производи од челик и алуминиум од Канада за уште 25 отсто, на вкупно 50 отсто, откако канадската провинција Онтарио воведе давачка од 25 отсто на електричната енергија од САД.
„Канада, исто така, мора веднаш да ги укине непријателските царини за американските фармери, кои се движат од 250 до 390 отсто за различни американски млечни производи (…) Наскоро ќе прогласам вонредна состојба во електроенергетскиот сектор во погодената област“, напиша Трамп на социјалната мрежа Truth Social.
Пораките на американскиот претседател уште еднаш ја подгреаа нервозата кај инвеститорите.
„Намалувањето на американските царини би ги намалило стравувањата од инфлација и пад на економската активност“, вели Тамаш Варга од PVM, оценувајќи дека OPEC+, со оглед на падот на цените, веројатно сепак ќе се откаже од најавеното зголемување на понудата од април.
Водечките производители имаат намера да пуштат малку повеќе барели на пазарот од април, при што рускиот вицепремиер Александр Новак во петокот истакна дека може повторно да го намалат производството во наредните месеци доколку тоа го бараат пазарните услови.
Слични новости
Нафтата поскапе кон 71 долар
Цените на нафтата пораснаа до 71 долар на меѓународните пазари во петокот, откако руски функционер навести дека водечките производители би можеле да го преиспитаат планираното зголемување на понудата
Димитриеска Кочоска: Македонската економија веќе не е во стагнација
Веќе почнуваат да се гледаат и видливи се резултатите од нашата работа. Економијата во Македонија повеќе не е во стагнација, оцени министерката за финансии Гордана Димитриеска – Кочоска, осврнувајќи се на податоците што денеска ги објави Државниот завод за статистика за невработеноста, индустриското производство и извозот.
Кинескиот извоз скромни пораснал на почетокот на 2025.
Кинескиот извоз се зголемил само малку во јануари и февруари, додека увозот остро паднал, покажаа во петокот објавените царински податоци, како одраз на влијанието на зголемените трговски тензии со САД и Европската унија