Во слабото тргување пред празниците, цените на нафтата во вторникот пораснаа за околу 30 центи за барел, поттикнати од благо позитивните краткорочни изгледи на пазарот.
На лондонскиот пазар со барелот сирова нафта се тргуваше по повисока цена од 36 центи, од 72,9 долари. На американскиот пазар, пак, со барелот сирова нафта се тргуваше по 34 центи повисока цена, по 69,58 долари.
Аналитичарите на FGE очекуваат цените на нафтата да флуктуираат околу сегашните нивоа на краток рок „бидејќи активноста на пазарите на деривати се намалува во рамките на празничната сезона и учесниците на пазарот остануваат на маргините додека не добијат појасна слика за глобалниот нафтен биланс за 2024 година и 2025 година“.
Најголемиот светски увозник на нафта, Кина, следната година планира да издаде специјални државни обврзници во вредност од три билиони јуани (395 милијарди евра) и ги засилува фискалните стимулации за да ја заживее болната економија.
„Ова најверојатно ќе обезбеди краткорочна поддршка за цените на суровата нафта на американскиот пазар од 67 долари за барел“, според аналитичарот на OANDA, Келвин Вонг.
Пазарите ќе ја следат и американската економија, најголемиот светски потрошувач на нафта, кој преку ноќ објави нови макроекономски показатели. Новите нарачки за клучните капитални стоки произведени во САД се зголемија во ноември поради силната побарувачка на машини, додека продажбата на нови домови, исто така, закрепна, што укажува на тоа дека американската економија е на солидна основа на крајот на годината.
Краткорочно, трговците бараат знаци за посилна американска побарувачка од податоците за залихите на сурова нафта и гориво што ќе ги објави Американскиот институт за нафта подоцна во вторник. Аналитичарите анкетирани од Reuters проценуваат дека во просек залихите на сiрова нафта паднале за околу два милиона барели во неделата до 20. декември.
Слични новости
Ангеловска-Бежоска: Потребни се квалитетни инвестиции и зголемување на продуктивноста за подигнување на потенцијалот за раст на економијата
Народната банка за наредната година очекува умерено забрзување на растот којшто би се искачил на 3,3 отсто, со позитивен придонес од сите компоненти на растот, меѓу кои и најавениот јавен инвестициски циклус и повисокиот прилив на странските директни инвестиции
Доларот зајакна, нафтата поскапе
Индексот на доларот, кој ја искажува вредноста на американската во однос на другите шест најважни светски валути, утринава се движи околу 108,11 поени
Волстрит порасна пред божиќните празници
Берзанските индекси пораснаа на Волстрит во понеделникот, што најмногу се должи на растот на цените на акциите на технолошките гиганти, кои предводеа во однос на растот целата оваа година