Цената на нафтата во вторникот за првпат во последните три недели ја надмина границата од 110 долари по барел, поради застојот во преговорите меѓу САД и Иран, што ја зголемува неизвесноста околу снабдувањето со енергенси преку Ормускиот теснец.
Суровата нафта „Брент“ порасна за 0,3 отсто и достигна 111,07 долари по барел, додека американската нафта „West Texas Intermediate“ (WTI) забележа раст од 0,2 отсто, на 99,72 долари по барел.
Годинава цената на „Брент“ порасна од под 60 долари до максимум од околу 119 долари за време на ескалацијата на тензиите, кога Иран речиси го блокираше сообраќајот низ Ормускиот теснец и напаѓаше енергетски објекти во регионот.
Растот на цените на нафтата ги засили очекувањата дека централните банки би можеле повторно да ги зголемат каматните стапки за да ја задржат инфлацијата под контрола, што веќе врши притисок врз пазарите на обврзници во САД, Европа и Обединетото Кралство.
Слични новости
Моделите на „Тесла“ на удар откако Кина забрани сокриени кваки на вратите на автомобилите
Освен „Тесла“, скриени кваки користат и многу други производители на возила на алтернативна енергија, така што новите прописи ќе имаат големо влијание на пазарот во Кина, а веројатно и ширум светот.
Трговска спогодба вредна 500 милијарди евра, Индија ги отвара вратите за американски стоки
Трамп наведе дека Индија се согласила да купува американски стоки на многу повисоко ниво, вклучувајќи енергија, јаглен, технологија и други производи во вредност од 500 милијарди долари.
Европските индекси денеска во плус, раст на цената на златото и среброто
Европските берзански индекси денеска се во плус, а цените на златото и среброто повторно растат по краткорочниот драматичен пад на цената на благородните метали.