Цената на нафтата во вторникот за првпат во последните три недели ја надмина границата од 110 долари по барел, поради застојот во преговорите меѓу САД и Иран, што ја зголемува неизвесноста околу снабдувањето со енергенси преку Ормускиот теснец.
Суровата нафта „Брент“ порасна за 0,3 отсто и достигна 111,07 долари по барел, додека американската нафта „West Texas Intermediate“ (WTI) забележа раст од 0,2 отсто, на 99,72 долари по барел.
Годинава цената на „Брент“ порасна од под 60 долари до максимум од околу 119 долари за време на ескалацијата на тензиите, кога Иран речиси го блокираше сообраќајот низ Ормускиот теснец и напаѓаше енергетски објекти во регионот.
Растот на цените на нафтата ги засили очекувањата дека централните банки би можеле повторно да ги зголемат каматните стапки за да ја задржат инфлацијата под контрола, што веќе врши притисок врз пазарите на обврзници во САД, Европа и Обединетото Кралство.
Слични новости
Цената на сировата нафта околу 99 долари за барел
Фјучерсите на американската сирова нафта денеска пораснаа на 99 долари за барел, но цените се и натаму за 10 проценти пониски откао САД и Иран прогласија прекин на огнот.
ЕУ и САД создаваат „енергетски штит“ за критични минерали
Еропа и САД се доближуваат до спогодба за координација во производството на критични минерали, со цел да ја намалат зависноста од Кина, пренесе Блумберг.
Германскиот регулатор ги повика компаниите што поскоро да ги намалат цените на бензинот и дизелот
Германскиот регулатор за заштита на конкуренцијата денеска ги повика компаниите што поскоро да ги намалат цените на бензинот и дизелот, откако падна цената на сировата нафта, по примирјето на Блискиот исток.