Натпреварот од италијанското фудбалско првенство помеѓу Милан и Комо, кој треба да се игра во Перт, Австралија во февруари, е под сè поголем сомнеж.
Италијанските медиуми известуваат дека постојат сè поголеми сомнежи за изводливоста на играњето на натпреварот од Серија А во Перт, Австралија.
Порано овој месец, УЕФА даде дозвола натпреварот од Серија А помеѓу Милан и Комо, закажан за 8 февруари, да се игра во Перт. Постојаниот дом на Милан, стадионот „Џузепе Меаца“, ќе биде окупиран во тоа време поради Зимските олимписки игри.
УЕФА, исто така, издаде дозвола натпреварот од шпанското првенство помеѓу Виљареал и Барселона да се игра во Мајами, но Ла Лига подлегна на притисокот и се откажа од идејата.
Италијанските медиуми објавуваат дека истата судбина може да го снајде и натпреварот помеѓу Милан.
Имено, за натпреварот да се игра во Австралија, Серија А сè уште треба да добие дозвола од Австралиската фудбалска федерација, АФЦ и ФИФА.
Наводно, се зголемува „надворешниот притисок“ врз АФЦ да го спречи одржувањето на натпреварот во Австралија со тоа што ќе одбие да даде дозвола.
Слични новости
Интер Мајами првпат ја освои МЛС
Фудбалерите на Интер Мајами, предводени од легендарниот Аргентинец, 38-годишниот Лионел Меси, ја освоија шампионската титула во МЛС првпат во својата историја откако како домаќини ги победија Ванкувер Вајткепс со 3:1 во финалето
Атлетик победи во дербито против Атлетико
Во дерби натпреварот од 15-то коло на шпанската Ла Лига, фудбалерите на Атлетик Билбао на својот стадион „Сан Мамес“ во саботата вечерта го победија Атлетико Мадрид со минимални 1:0
Бразил доби тешка група, оцени Анчелоти
Бразил е извлечен во „тешка група“ на Светското првенство во 2026 година, со Мароко, Шкотска и Хаити како негови противници, изјави селекторот на Бразил, Карло Анчелоти, по жрепката во Вашингтон