НАТО и Данска се согласуваат дека сојузниците мора да ја зајакнат одбраната на Арктикот

Нивните разговори доаѓаат во време на голема загриженост, бидејќи американскиот претседател Доналд Трамп постојано изразува интерес Гренланд, автономна територија на Данска, да стане дел од Соединетите држави од неговиот реизбор во ноември.

Трамп рече дека Гренланд е од витално значење за безбедноста на САД и дека Данска мора да се откаже од контролата на стратешки важниот арктички остров и не ја исклучи можноста за употреба на воен или економски притисок за да ја постигне својата цел.

Трамп, исто така, има несогласувања со европските сојузници околу трошоците за одбраната и рече дека под негово претседателство САД „фундаментално ќе ја преиспитаат целта и мисијата на НАТО алијансата“.

Данска во понеделникот соопшти дека ќе потроши 14,6 милијарди дански круни, или околу две милијарди долари, за зајакнување на своето воено присуство на Арктикот.

По средбата со францускиот претседател Емануел Макрон, данската премиерка Мете Фредериксен рече дека политичките лидери во Европа и пошироко дале целосна поддршка на принципот за зачувување на почитувањето на меѓународните граници, што е уште една прикриена референца за интересот на Трамп за Гренланд, пренесува Reuters.