Наполи го победи Милан, ја одржа разликата зад Интер

Наполи сега има 64 бода, три помалку од Интер кој го победи Удинезе со 2:1 на својот „Сан Сиро“. Лидерот во Серија А одлично го започна натпреварот. Во осмата минута Давиде Фратези ја погоди стативата, а само четири минути подоцна Марко Арнаутовиќ погоди за 1:0. Одличното издание на Интер во првото полувреме го заокружи Фратеси во 29. минута за 2:0. Удинезе се врати во живот во 72. минута со одличниот погодок на Оумар Солет од преку 20 метри. Само две минути подоцна можеше да биде 2:2, Лоренцо Лука ја упати топката со глава, но Јан Зомер одлично реагираше. Зомер го спаси Интер и во судиското надополнување, а Солет повторно шутираше но Швајцарецот ја исфрли топката во корнер.

Во претходниот натпревар Фиорентина ја совлада Аталанта со 1:0. Решавачкиот гол го постигна Мојз Кин во последните моменти од првото полувреме. Ова е втор пораз во низа за Аталанта откако на домашен терен загуби со 0:4 од водечкиот Интер во претходното коло. Интер моментално има девет бода повеќе од третопласираната Аталанта.

Интер води со 67 бодови, Наполи заостанува три бода, додека трета е Аталанта со 58 бодови. Следува Болоња со 56, Јувентус со 55, Рома со 52 бода… Милан е деветти со 47 бодови.

Во првиот натпревар во неделата Каљари на домашен терен ја совлада Монца со 3:0. Каљари поведе во 30. минута со голот на Николас Виола, на 2:0 зголеми Џанлука Гаетано во 73. минута, а Зита Лувумбо го постави конечниот резултат во судиското надополнување. Домашната екипа на тој начин ја прекина серијата од пет натпревари без победа и сега е 15-та нан табелата со 29 бодови, шест повеќе од Емполи, кој е прв во зоната за испаѓање на 18-то место. За Монца ова е 19-ти пораз и е последна со 15 бодови.

Колото се затвора в понеделник со дуелите Верона и Парма, а Лацио – Торино.