Наполи го освои Суперкупот на Италија

Наполи е победник на Суперкупот на Италија откако ја победи Болоња со 2:0 во финалето на завршниот турнир во Ријад.

Тоа беше соочување меѓу актуелниот италијански шампион и победникот на Купот. Наполи стигна до финалето со победа од 2:0 над Милан, додека Болоња го победи Интер со 3:2 на пенали откако натпреварот заврши 1:1.

Херој на финалето беше Давид Нерес, кој ги постигна двата гола на натпреварот. Првиот во 39. минута и вториот во 57. минута.

Наполи го освои Суперкупот по третпат по 1990 и 2014 година, додека Јувентус го држи рекордот со девет титули.