Намален бројот на одобренија за градба

367 одобренија за градење се издадени во јули годинава, што е за 8.5 % помалку во однос на истиот месец од претходната година, објави Државниот завод за статистика.

Според издадените одобренија за градење, предвидената вредност на објектите изнесува 7 995 108 илјади денари, што е за  74.8 % помалку во однос на истиот месец од претходната година.

Намалената вредност се должи на фактот дека во референтниот период минатата година е издадено одобрение за градба за ветерен парк.

Од вкупниот број издадени одобренија за градење, 227  се наменети за објекти од високоградба, 39 за објекти од нискоградба и 101 за објекти за реконструкција.