Германските економски институти во четвртокот ги намалија своите прогнози за економски раст за 2025 година од 0,8 на 0,1 отсто, земајќи ги предвид само првичните американски царини за челик, алуминиум и автомобили.
Германија, силно извозно ориентирана земја, е единствената во Групата седум (Г7) чија економија бележи пад во последните две години.
Царините што ги објави американскиот претседател Доналд Трамп на 2 април, а потоа во средата беа одложени на 90 дена, може дополнително да влијаат на најголемата европска економија, удвојувајќи ги негативните ефекти, предупредуваат институтите.
Ова би можело да ја доведе Германија во ситуација да биде во рецесија трета година по ред, што би било првпат по Втората светска војна.
Германските конзервативци предводени од Фридрих Мерц постигнаа коалициски договор со социјалдемократите во средата, со цел да се заживее растот на најголемата европска економија.
Новите прогнози на групата институти вклучуваат царини од 25 отсто за челик, алуминиум и автомобили од ЕУ, кои сѐ уште се на сила, но не и зголемувањето на царините од 20 отсто за другите производи, што САД го најавија минатата седмица, а потоа го одложи за 90 дена.
Институтите предвидуваат економски раст од 1,3 отсто за 2026 година, што е непроменето од претходната прогноза.
По изборите во февруари, коалицијата објави инфраструктурен фонд од 500 милијарди евра, како и големи правила за задолжување, со цел да се даде поддршка на одбраната и поттикнување на економскиот раст.
Тој фискален пакет може да доведе до дополнителни државни расходи од 24 милијарди евра до 2026 година, што би го зголемило економскиот раст за половина процентен поен, наведуваат институтите.
Слабеењето на економијата ќе се одрази и на пазарот на труд. Невработеноста може да се зголеми од минатогодишните шест проценти на 6,3 проценти оваа година, пред да падне на 6,2 отсто следната година.
Инфлацијата во Германија годинава би требало да изнесува 2,2 отсто, додека во 2026 година се очекува да падне на 2,1 отсто.
Министерството за економија ги вклучува заедничките проценки на овие институти – Ifo, DIW, IWH, IfW и RWI – во своите економски прогнози.
Слични новости
Доларот ослабе
На валутните пазари вредноста на доларот во однос на кошницата валути падна втор ден по ред
На Волстрит S&P благо порасна, Dow Jones падна
На Волстрит индексот S&P 500 благо порасна во четвртокот, додека Dow Jones падна, по неизвесното тргување поради неизвесноста околу царините и каматните стапки
СТО ја намалува прогнозата за раст на трговијата за 2025, предупредува на голем пад
Светската трговска организација (СТО) значително ја намали прогнозата за глобалната трговија со стоки, предвидувајќи пад од 0,2 отсто оваа година поради негативните ефекти од американските царини