Големиот египетски музеј (GEM) воведе нови мерки за управување со приливот посетители кои се доаѓаат да ја видат неговата колекција од древни египетски артефакти последните две седмици од официјалното отворање.
Од овој викенд влезниците може да се резервираат само за одредени термини, а од почетокот на декември до натамошно известување, посетителите ќе мора да купат билети преку интернет пред да пристигнат, според соопштението од управата на музејот.
Музејот, сместен во близина на пирамидите во Гиза, беше отворен на 1-ви оември со раскошна церемонија на која присуствуваа десетици светски челници и претставници на медиумите.
Портпаролот рече дека во просек околу 19.000 луѓе го посетуваат музејот секој ден за да ја видат колекцијата, која вклучува артефакти од гробницата на кралот Тутанкамон и 42-метарскиот сончев брод на кралот Кеопс (Куфу). Бројките ги надминаа очекувањата на египетските власти.
За време на неколкуте посети, новинар на германската новинска агенција dpa бил сведок на голем број посетители на музејот од утрото па во остатокот на денот, вклучувајќи многу локални жители.
Египетскиот весник al-Masry al-Youm изестува за значително зголемување на интересот кај Египќаните за историјата на нивната земја поради огромниот медиумски интерес во времето на отворањето на музејот.
Доколку сегашниот број посетители продолжи во текот на целата година, Големиот египетски музеј би можел да стане еден од најпосетуваните музеи во светот. Само Лувр во Париз и Националниот музеј на Кина во Пекинг имаа поголем просечен број посетители минатата година.
Слични новости
Откриена галаксија слична на Млечниот пат стара 12 милијарди години
Индиските астрономи открија масивна галаксија слична на Млечниот пат која е стара околу 12 милијарди години, пренесе Би Би Си. Таа е голема колку една третина од млечниот пат и содржи околу 10 милијарди ѕвезди
Скарлет Јохансон во завршни преговори за да игра во новиот Бетмен
По четири години кога за последен пат играше во филм со стрип јунаците на Марвел Скарлет Јохансон е на чекор да се врати во Готам. Како што известуваат холивудските медиуми, таа е во завршни преговори за да игра во Бетмен 2, секвелот на хитот на Мат Ривс од 2021
Лондонската божикна елка која традиционално ја поклонува Норвешка, вечерва ќе биде осветлена на Трафалгар
Елката симболизира пријателство меѓу Лондон и Осло во церемонија која потсетува на историјата на сојузништво меѓу двете земји. Овогодишната елка наречена „Вечниот Осло“ е висока околу 20 метри и е стара 60 години.