Повеќе од 290 лица загинаа во четврток во пад на патнички авион во индискиот град Ахмедабад, соопшти полицијата, а здравствените власти потврдија дека еден патник ја преживеал најлошата воздушна катастрофа во светот последната деценија.
Авион на индиската воздухопловна компанија „Air Indiа“ со 242 патници се урна само неколку минути по полетувањето од Ахмедабад на западот од земјата на летото кон Лондон.
Станува збор за авион од моделот „Boeing 787-8 Dreamliner“, еден од најмодерните патнички авиони. Ова е прва несреќа на авион од моделот „Dreamliner“ откако авионот влезе во комерцијална употреба во 2011 година. Авионот што се урна денеска првпат полетал во 2013 година, а на „Air India“ ѝ бил испорачан во јануари 2014 година.
Авионот се урна во студентски дом на медицинскиот факултет во близина на аеродромот за време на паузата за ручек. Авионот летал кон аеродромот „Гетвик“, јужно од британската престолнина.
Спасувачките служби на лице место ги извлекуваат телата на патниците и луѓето кои загинале на земја. Локален полициски службеник изјави за Reuters дека има повеќе од 290.
„Досега има 294 мртви. Меѓу нив се студенти бидејќи авионот се урна во зградата каде што престојувале“, рече Види Чаудари, висок полициски службеник во северозападната индиска држава Гуџарат.
Локален здравствен службеник рече дека еден патник ја преживеал несреќата. Станува збор за британско-индиски државјанин, Вишвас Кумар Рамеш.
„Да, потврдуваме дека има еден преживеан“, рече Дананџај Двиведи, главен секретар на здравствениот оддел, додавајќи дека тој моментално е на лекување во болница.
Во авионот имало 169 индиски државјани, 53 британски државјани, седум португалски државјани и еден канадски државјанин. Меѓу патниците имало 217 возрасни, 11 деца, како и две бебиња, соопшти „Air India“.
Од роднините е побарано да дадат примероци од ДНК за да се помогне во идентификацијата на починатите, изјави државниот секретар за здравство Дананџај Двиведи.
Според контролата на воздушниот сообраќај на аеродромот Ахмедабад, авионот полетал во 13:39 часот. по локално време од пистата 23. Испратил повик „Мејдеј“, сигнализирајќи вонредна состојба, но не воспостави понатамошен контакт.
Веб-страницата за следење летови Flightradar24, исто така, наведе дека го примил последниот сигнал од авионот неколку секунди по полетувањето.
Британското Министерство за надворешни работи на својата веб-страница соопшти дека Велика Британија соработува со индиските власти за итно утврдување на фактите за несреќата и обезбедување поддршка на вклучените.
Американскиот консултант за безбедност во воздухопловството, Ентони Брикхаус, вели дека еден загрижувачки знак на снимката од несреќата е тоа што опремата за слетување била спуштена за време на фазата на летот, кога требало да биде подигната.
„Ако не знаевте што се случува, би помислиле дека авионот се приближува кон пистата“, рече Брикхаус.
Слични новости
Осум загинати и 92 ранети во најновиот бран напади на Иран врз Израел
Најмалку осум лица го загубија животот во најновиот бран напади на Иран врз Израел, пренесе Ројтерс, повикувајќи се на извештаи на израелското воено радио. Иранските удари уследија во текот на ноќта, набргу откако Израел изведе напади врз Иран во кои е убиен шефот на разузнавачката служба на иранските воени сили.
Трамп му се закани на Иран со досега невиден одговор
Американскиот претседател Доналд Трамп изјави дека во случај Иран на било каков начин да ги нападне САД, ќе се соочи со силата на американската војска „на нивоа кои никогаш досега не се видени“.
Израел изведе нови напади врз иранската воена инфраструктура, најмалку 10 загинати цивили во иранските одмазднички напади
Иран и Израел во текот на ноќта продолжија да разменуваат напади со ракети и дронови, при што најмалку 10 луѓе загинаа во Израел кога иранските ракети ја пробија противвоздушната одбрана на северниот и централниот дел од земјата.