Германските компании се соочуваат со уште една тешка година и околу една третина од нив имаат намера да го намалат работните места, откри германскиот економски институт IW во своето најново истражување.
Околу 36 отсто од компаниите во најголемата економија во Европа планираат да ја намалат својата работна сила следната година, што е точно двојно повеќе од уделот на оние што планираат да создадат нови работни места.
Расположението е особено мрачно во индустрискиот сектор, каде што околу 41 отсто од анкетираните компании планираат да намалат работни места, а само околу една од седум компании очекува да вработи нови работници.
Анкетата на IW покажува ограничен оптимизам кај компаниите за следната 2026 година, по двете последователни години стагнација на активноста.
Само околу една четвртина од компаниите очекуваат поголемо производство или деловна активност следната отколку во тековната 2025 година, додека речиси една третина предвидуваат пад, покажа анкетата објавена во неделата.
Расположението е најмрачно во индустријата, со негативни очекувања за производството следната година, поради трговските конфликти, геополитичките нарушувања, ризиците во снабдувањето со суровини и високите регулаторни трошоци, трошоците за енергија и работната сила.
Продолжената криза, исто така, ги намалува инвестициите, а анкетата покажа дека една третина од компаниите планираат да ги намалат инвестициските буџети за следната година. Само околу една четвртина од испитаниците очекуваат поголеми инвестиции, открива институтот.
Слични новости
Секоја четврта продавница не издава фискални сметки
До крајот на ноември годинава, Управата за јавни приходи (УЈП) спровела околу 4.000 контроли за регистрирање на готовинскиот промет, што претставува зголемување за 2,5 пати во однос на истиот период минатата година
Доларот падна во однос на кошничка валути втора седмица по ред
На светските пазари, вредноста на американскиот долар во однос на кошничка валути падна минатата седмица, втора по ред, бидејќи инвеститорите веруваат дека американската централна банка ќе ги намали клучните каматни стапки следната седмица
Раст на светските берзи, се чека намалување на каматните стапки во САД
Цените на акциите на светските берзи пораснаа минатата седмица, втора по ред, благодарение на верувањето на инвеститорите дека американската централна банка ќе ги намали каматните стапки следната седмица