Мјузиклите Емилија Перез со дури 14 номинации за Оскар, Викед со 10 номинации

Емилија Перез, мјузиклот на француски јазик  за мексикански нарко бос, предводи со 14 номинации за Оскар, вклучувајќи и за филм на годината.

Американскиот мјузикл Викед има 10 номинации, повеќе и од Бруталист за кој се очекуваше да има најмногу номинации за оскар.

Бруталист, Конклава и Целосно непознат имаат по осум номинации, а победникот на Кан Анора шест номинации колку што има и Дина втор дел.

За режија се номинирани Жак Одиард за Емилија Перез, Шон Бејкер за Анора, Бреди Корбет за Бруталист, Корали Фаргејт за Суштината и Џејмс Манголд за Целосно непознат.

За главна машка улога, според очекувањата, номинирани се Ралф Фајнс за Конклава, Адријан Броди за Бруталист, Тимоти Шаламе за Целосно непознат, Себастијан Стан за Чиракот и Колман Доминго за Синг-Синг.

За споредна машка улога се номинирани Јура Борисов за Анора, Едвард Нортон за Целосно непознат, Киран Калкин за Вистинска болка, Гај Пирс за Бруталист и Џереми Стронг за Чиракот.

За главна женска улога номинациите им припаднаа на Синтија Ериво за Викед, Карла Софија Гаскон за Емилија Перез, Мики Мадисон за Анора, Деми Мур за Суштината и Фернанда Торес за сеуште сум тука.

Слични новости