Министерите за надворешни работи на мислиманските земји денеска го отфрлија повикот на американскиот претседател Доналд Трамп Палестинците да се раселат од Појасот Газа и поддржаа план да се оформи административен комитет на Палестинците кој би управувал со територијата за да се овозможи реконструкција и ревитализација на Газа.
Министрите за надворешни работи се собраа во саудискиот град Џеда на специјална седница на Организацијата за исламска соработка посветен на ситуацијата во Газа во момент кога е во сила прекин на огнот меѓу Израел и Хамас, а кој е доведен во прашање.
Од собирот е испратена поддршка на планот за обнова на Газа што ја предложи Египет, а кој го поддржаа арапските земји, вклучувајќи ги Саудиска Арабија и Јордан, со цел да му се спротивстават на повикот на Трамп.
Без експлицитно спомнување на Доналд Трамп министрите наведоа дека „ги отфрлија плановите кои имаат за цел раселување на палестинскиот народ поединечно или колективно како етничко чистење, тешко кршење на меѓународното право и злосторство против човечноста“.
Организацијата за исламска соработка ја сочинуваат 57 земји со главно муслиманско население.
Слични новости
Зеленски: Украина „целосно конструктивна“ во разговорите со американските претставници
Претседателот Володимир Зеленски рече дека позицијата на Украина на разговорите во Саудиска Арабија со американските претставници во вторник ќе биде „целосно конструктивна“ и дека се надева на практични исходи од преговорите за ставање крај на руската војна во неговата земја
САД укинуваат 83 отсто од проектите за меѓународна помош финансирани од УСАИД
Американскиот државен секретар Марко Рубио детално го опиша големото скратување на проектите управувани од меѓународната агенција за развој УСАИД
Сирија: SDF предводени од Курдите ќе се интегрираат во државните институции
Сириските демократски сили (SDF) предводени од Курдите, поддржани од САД, кои контролираат голем дел од североисточниот дел на Сирија, богат со нафта, потпишаа договор со кој се согласуваат да се интегрираат во новите државни институции предвоени од шеријатските власти, соопшти во понеделникот сириското претседателство