Силната поддршка од Европскиот парламент за европерспективата на Македонија беше потврдена на денешните средби во Брисел на министерот за европски прашања Орхан Муртезани со европратениците Тајс Ројтен и Матеј Тонин, кои се известители на ЕП во сенка за земјава.
На средбите европратениците ја истакнаа важноста на реформите и динамиката на пристапниот процес, како и потребата од градење стабилни односи со сите земји членки на Унијата.
При тоа, беше нагласено дека продолжувањето на интегративниот пат зависи од заедничките напори и конструктивен пристап во решавањето на предизвиците на европскиот пат.
Министерот Муртезани, од своја страна, изрази благодарност за континуираната поддршка и ја потенцираше посветеноста на земјава кон европската агенда. Тој истакна и дека земјата останува активен партнер во процесот на пристапување и очекува предвидлив и праведен пристап од страна на Европската унија.
За време на дводневната посета на Брисел, што започна денеска, предвидено е Муртезани да се сретне и со еврокомесарката за проширување, Марта Кос, со копретседавачот на Мешовитиот парламентарен комитет Македонија – ЕУ, хрватскиот европратеник Карло Реслер, со извршниот директор за Европа во Европската служба за надворешни работи (ЕЕАС), Мати Масикас и со претседателот на Европскиот економски и социјален комитет (ЕЕСЦ), Оливер Ропке.
На средбите се очекува да се разговара за напредокот на земјава во процесот на пристапување во ЕУ, Реформската агенда, следните чекори во преговарачкиот процес, за соработката со европските институции, како и за политичките и безбедносни предизвици во регионот и за геополитичките аспекти на процесот на проширување.
Слични новости
Таравари ја разреши досегашната и ја назначи за новата директорка на детската болница „Козле“
Министерот за здравство, Арбен Таравари, потпиша во вторникот решение со кое ја разрешува досегашната директорка на детската болница „Козле“, д-р Каролина Симоновска, која деновиве побара медиумите да не ѝ го спомнуваат името
Божиновска и грчката амбасадорка Филипиду разговараа за гасниот интерконектор и енергетскиот пазар
Министерката за енергетика, рударство и минерални суровини Сања Божиновска, денеска имаше работна средба со амбасадорката на Република Грција, Софија Филипиду. Се разговараше за продлабочување на билатералната соработка во енергетскиот сектор, со посебен акцент на проектите од регионално значење, соопшти Министерството за енергетика, рударство и минерални суровини.
Андоновски: Со закон ги забрануваме нелегалните онлајн игри на среќа
Министерот за дигитална трансформација, Стефан Андоновски, во „Студио 10” на Телевизија 24, говореше за новите измени на законот за Елктронски комуникации во кој е предвидено да се забранат нелегалните онлајн игри на среќа.