ММФ со благо зголемување на прогнозата за раст – влијанието на вештачката интелигенција врз пазарот на трудот ќе се шири како „бавно цунами“

Меѓународниот монетарен фонд благо ја зголеми прогнозата за растот на светската економија во 2026 година на 3,1 отсто, но предупреди дека растот ќе остане слаб, додека за влијанието на вештачката интелигенција врз пазарот на трудот оценката е дека ќе се шири како „бавно цунами“.

Генералната директорка на Меѓународниот монетарен фонд, Кристалина Георгиева, предупреди дека брзиот развој на вештачката интелигенција и намалувањето на развојната помош може дополнително да го продлабочат јазот меѓу развиените земји и земјите во развој.

ММФ сега очекува цените на нафтата во текот на годинава да се зголемат за речиси 41 отсто, на просечно 96 долари за барел, што би ја зголемило глобалната инфлација на 4,7 отсто во 2026 година, од 4,1 отсто минатата година.