Легендарниот Аргентинец, 38-годишниот Лионел Меси, постигна два гола и имаше две асистенции предводејќи го Интер Мајами до победа од 4:0 над Нешвил во решавачкиот трет натпревар од четвртфиналето на плејофот во Источната конференција на МЛС лигата.
Меси ги постигна првите два гола на натпреварот во 10. и 39. минута, а во второто полувреме му асистираше на Аљенде за третиот и четвртиот погодок во 73. и 76. минута.
Со оваа победа, Интер Мајами обезбеди натпревар на гости против Синсинати, кој ќе се игра за две седмици.
Во второто полуфинале на Истокот ќе се сретнат Филаделфија Јунион и Њујорк Сити, првата полуфинална двојка на Западот ја сочинуваат Ванкувер Вајткепс и Лос Анџелес ФК, додека во вториот Минесота Јунајтед го чека подобриот од соочувањето меѓу Сан Диего – Портланд Тимберс, кои ќе го играат решавачкиот трет натпревар подоцна в недела.
Во полуфиналето и финалето на конференцијата и во финалето на МЛС се игра по еден натпревар.
Слични новости
Ескалира конфликтот во Ливерпул меѓу Арне Слот и Мохамед Салах
Медиумите известуваат дека Арне Слот нема да го стави Салах на списокот на фудбалери што ќе отпатуваат во Милано каде што Ливерпул игра меч од Лигата на шампионите против Интер.
Реал Мадрид во дербито на Лигата на шампионите против Манчестер сити без шестмина дефанзивци
Едер Милитао доживеа потешка повреда,, а претходно беа повредени Дани Карвахал, Трент-Александар Арнолд, Дин Хаусен, Ферлан Менди и Давид Алаба.
НБА: Лејкерс славеа со Дончиќ и Џејмс, 15-та победа по ред за Тандер
Лос Анџелес Лејкерс ги победија Филаделфија 76ерс со 112:108 на гостински терен синоќа, а Лука Дончиќ и Леброн Џејмс постигнаа заедно 60 поени откако се вратија во поставата