Сѐ што е потребно за економски и социјален препород на Кочани, ние како Влада ќе го ставиме во нашите врвни приоритети и тоа ќе го направиме. Посакувам да се обединуваме за убави работи, а оваа трагедија нека биде за сите нас поука дека она што денеска го правиме ќе има свое значење во иднина. Би сакал тоа што ние денеска го правиме како Влада има позитивно и убаво значење за иднината на нашите граѓани и нашата Македонија, порача попладнево премиерот Христијан Мицкоски во вклучување на хуманитарното отворено студио на телевизијата Канал 5 за донирање на настраданите во Кочани.
Мицкоски нагласи дека Владата вложува надчовечки напори во спасувањето на повредените во трагедијата.
„Немам што повеќе да кажам од она што го кажав досега. Уште еднаш да изразам сочуство на семејствата кои што ги загубија своите животи во оваа трагична и ужасна несреќа во Кочани. Како Влада правиме сѐ што е во наша моќ, вложуваме надчовечки напори да спасиме живот повеќе од оние што се повредени. Се радувам дека дел од нив полека се испишуваат од болниците во Скопје, но се враќаат и од странство“, рече Мицкоски.
ТВ Канал 5 вечерва организира донаторска вечер со телефонски јавувања, на која учество земаа покрај премиерот Христијан Мицкоски, и претседателката Гордана Сиљановска Давкова, претседателот на Собранието Африм Гаши, министри, претставници на политички партии, луѓе од јавниот и општествениот живот.
Слични новости
Детектор анкета: Стабилна поддршка за ЕУ членство, песимизам за прием
Над 61 процент од граѓаните би одговориле позитивно на референдумско прашање за влез на Македонија во Европската Унија, покажува анкетата која за емисијата Детектор ја спроведе Институтот за политички истражувања Скопје (ИПИС)…
Кај двајца пациенти од пожарот во Кочани згрижени во Солун има одредено подобрување и се екстубирани
Во Скопје вкупно се лекуваат 16 пациенти, а за денес нема најава за враќање други пациенти од странство, наведуваат во соопштението од Министерство за здравство
Мицкоски: Лидерската средба е пресериозна тема за да се разговара преку медиуми, подготвен сум да се сретнаме
Доколку претседателот на СДСМ има конкретен предлог и план што треба да се направи по тргедијата во Кочани стојам на располагање и подготвен сум да се сретнеме и да поразговараме на оваа тема, изјави премиерот