Премиерот Христијан Мицкоски изјави дека очекува набргу да започнат судски процеси против поранешни високи функционери од претходната власт предводена од СДСМ. Мицкоски кажа дека „има чувство“ оти истрагите ќе опфатат поранешни претседатели на влада и нивни блиски членови на семејствата.
„Имам чувство дека набргу високи функционери од претходната влада на СДСМ, поранешни премиери, претседатели на влада, нивни блиски од семејствата, ќе бидат опфатени во одредени прогони. Имам чувство, не велам дека имам информација, имам чувство“, изјави Мицкоски, одговарајќи на новинарски прашања.
Од СДСМ веднаш реагираа со став дека премиерот ги злоупотребува институциите за да ја скрие сопствената инволвираност во сомнителни процеси. Според опозициската партија, Мицкоски веќе ги поставил своите кадри на клучните позиции во судството и обвинителството и сега се обидува да ги прикрие меѓународните истраги за криминал и корупција што се водат против него.
Слични новости
Се зголемува поддршката за членство во ЕУ, повторно е над 70 проценти
Драстично зголемување на поддршката има кај етничките Македонци од дури 15 проценти, а таква промена е забележана и кај поддржувачите на ВМРО-ДПМНЕ, па од 43 проценти во 2023, доколку утре има гласање за влез во ЕУ, „за“ би гласале 70 проценти од нив.
Камионџиите протестираат трет ден на границите
Камионџиите ги блокираат границите во регионот за товарен сообраќај, незадоволни од правилата за престој во Шенген-зоната, според кои, како и сите граѓани од земјите од Западниот Балкан, може да останат во Шенген зоната најмногу до 90 во 180 дена.
Обвинителството отвори предмет за Заев и Филипче по тврдењата на Жан Митрев дека сакале да му ја земат болницата
Предистрагата е за Зоран Заев и за Венко Филипче, актуелниот лидер на опозицијата. Отворена е на последниот ден од мандатот на екс скопскиот обвинител Гаврил Бубевски, ден отако беше избран Анел Фидоски на таа функција која ја презеде со веќе отворен предмет за болницата.