Претседателот на ВМРО-ДПМНЕ и премиер, Христијан Мицкоски ги отфрли обвинувањата на лидерот на СДСМ, Венко Филипче, за наводен поткуп, притисоци и злоупотреба на институциите врз кандидатите на опозицијата.
Мицкоски вели дека овие локални избори се „најтранспарентни, најдемократски и најфер организирани избори во поновата историја на демократска Македонија“.
„Тоа што одделни политичари имаат проблем со Фројд па совеста работи, и мислат дека тоа што тие би го правеле и го проектираат на политичкиот противник е така, мислам дека тој начин на однесување не е добар и мислам дека тоа не носи поени“,рече Мицкоски во изјава за медиуми на денешниот митинг во Центар.
Премиерот истакна дека доколку СДСМ има каков било индикатор за злоупотреби, слободно може да го контактира и да пријави за да се изврши проверка, но тој е убеден дека такво нешто не постои и е надвор од неговата лична филозофија.
Обраќајќи се, пак, од митинг во Македонска Каменица, Мицкоски ги повика граѓаните масовно да излезат на гласање в недела во вториот круг, нагласувајќи „додека седите дома, други одлучуваат за вашата иднина“.
Го потенцираше, како што рече, историскиот резултат на ВМРО-ДПМНЕ во првиот круг, каде коалицијата има победа на советничките листи во 59 општини, вклучувајќи го и Град Скопје, како и веќе избраните 33 градоначалници.
„Јас очекувам во сите 24 општини да победат кандидатите на ВМРО-ДПМНЕ. Со победата на Орце Ѓорѓиевски во Град Скопје, да се заокружи бројката од 60 градоначалници, што е исто така историски резултат што никогаш не е направен во Македонија“, рече Мицкоски.
Ги повика граѓаните кои се двоумат да излезат и да гласаат, за да не дозволат некој друг да одлучува за нивната иднина, потенцирајќи дека ВМРО-ДПМНЕ се бори подеднакво за секоја општина.
Слични новости
Милошоски: Нема да се градат бегалски кампови
Во Македонија нема да се градат бегалски кампови, категорични се од ВМРО ДПМНЕ. Тврдат дека Британија со сите земји од Западен Балкан и од ЕУ има склучено слични договори за борба против организирана, нелегална, миграција
Кузеска: Кој му дал дозвола на Мицкоски да преговара за мигранти?
Граѓаните на Македонија се во шок! Власта на Мицкоски подготвува анти државно и национално предавство. Угледните британски медиуми, како The Times, дека Владата на Мицкоски е во разговори со Велика Британија за Македонија да стане базна дестинација за враќање мигранти. Сите лаги зад кои кујните на ДПМНЕ и владата се обидуваа да се сокријат се потопени во вода, изјави портпаролката на СДСМ Богданка Кузеска
СДСМ: Конгресот на децата на Орбан
Антикорупцискиот тим на СДСМ реагираше со остра политичка критика на Конгресот на ВМРО-ДПМНЕ, кој викендов се одржа во Кавадарци под водство на Христијан Мицкоски