Премиерот Христијан Мицкоски истакна дека поранешниот прв вицепремиер Артан Груби, заедно со уште едно лице со дипломатско возило, вчера ја напуштил земјава и заминал во Косово. Мицкоски ова го потенцира во вечерашното гостување во „Click Plus” на ТВ21 кое треба да емитува со почеток од 21:30 часот.
„Моите информации се дека поранешниот директор на Државна Лотарија подолго време не е во земјата. Додека, поранешниот вицепремиер во текот на вчерашниот ден со еден стопанственик, со возило со дипломатски таблички ја напуштил Македонија и се упатил кон нашиот северен сосед Косово“, вели Мицкоски.
Премиерот во интервјуто посочува дека е донесена одлука за продолжување на реализацијата на коридорите 8 и 10Д, оти ако бил откажан проектот од „Бехтел и Енка“, државата ќе требало да исплаќа милиони.
„Кога требаше да се оценува проектот на Бехтел и Енка. Апсолутно и натаму го оценувам како најкриминален. Ако сега го откажам вас, нас и идните генерации ќе не чини милиони, затоа добив кнедла, добив политички куршуми, и решив да го решиме час поскоро. Мислете вие мило ми беше. Го имам истиот став“, рече тој.
Посочи дека 25 милиони евра одвоиле од Буџетот за финансирање на Универзитетот „Мајка Тереза“ и за ова бил нападнат од неговите колеги, но тоа, рече тој, никого не го интересира.
„Знаете колку бев нападнат од моите колеги од скопскиот универзитет? Знаете ли колкави беа ударите од универзитетот свети Кирил и Методиј врз мене… Еве јас сум професор таму или тоа никого не го интересира, бидејќи тоа не се споделува во тој микрокосмос. Можам да ви редам многу вакви примери каде што ние треба да покажеме единство“, вели Мицкоски.
Се осврнува и на неодамнешните настани и порача дека првпат биле одговорни пред органите оние кои го запалиле албанското знаме.
„Никогаш порано тоа не се случило. Е да, одговорни се тие коишто го палеа македонското знаме, национално, бидејќи тоа ни е заедничко“, додава Мицкоски.
Слични новости
КСПС: Одливот на кадар во правосудството е алармантен, има уназадување во перформансот и бројот на решени предмети
Подобрување во јавноста и достапноста на податоци за судењата, но и уназадување во перформансот и бројот на решени предмети. Формална, но не и суштинска транспарентност во работата на Судскиот совет и Советот на јавни обвинители, како и значителен одлив на кадар од судството и јавното обвинителство, покажуваат извештаите на Коалиција „Сите за правично судење“ што беа презентирани на годишната конференција за презентација на анализите за 2024 година.
Домаќинствата од јануари ќе плаќаат за 0,92 отсто поскапа струја
Просечната цена на струјата за домаќинствата од 1 јануари 2025 ќе се зголеми за 0,92 проценти, објави денеска претседателот на Регулаторната комисија за енергетика Марко Бислимоски.
НБРМ: Каматните стапки на благајничките записи и на расположливите депозити се намалуваат за 0,25 п.п.
Оценето дека најновите услови во економијата овозможуваат да се продолжи со постепеното нормализирање на поставеноста на монетарната политика. Оттука, беше одлучено каматната стапка на благајничките записи да се намали за 0,25 п.п., на нивото од 5,55%.