Во мирното тргување на европските берзи во вторник, најважните индекси забележаа само мали промени, додека инвеститорите чекаат нови сигнали за напредокот на трговските преговори меѓу мисиите на САД и Кина во Лондон, кои влегоа во својот втор ден.
Паневропскиот индекс STOXX 600 порасна само за 0,04 отсто на 553 поени. Во исто време, франкфуртскиот DAX се лизна за 0,12 отсто на 24.145 поени, лондонскиот FTSE индекс падна за 0,42 отсто на 8.869 поени, а парискиот CAC падна за 0,08 отсто на 7.797 поени.
Фокусот останува на разговорите во Лондон меѓу двете најголеми економии во светот, при што инвеститорите со нетрпение очекуваат какви било знаци на напредок или затоплување на односите. Американскиот претседател Доналд Трамп во понеделник ги пофали разговорите, без да даде детали за тоа како може да се ублажи трговската војна, која се заканува да ги наруши глобалните синџири на снабдување.
Акциите на производителите на автомобили најмногу пораснаа, во просек за 1 отсто, додека акциите на одбранбената индустрија најмногу паднаа, за 0,8 отсто.
Во меѓувреме, стапката на невработеност во Велика Британија се зголеми на 4,6 отсто во трите месеца до крајот на април, во согласност со очекувањата, од 4,5 отсто во трите месеца до крајот на март. Бројот на слободни работни места се намали за 63.000 на 736.000 во периодот март-мај, што претставува 35-ти последователен пад.
„Со падот на вработеноста, зголемувањето на стапката на невработеност и забавувањето на растот на платите, денешните најави од пазарот на трудот во Велика Британија ни даваат поголема доверба во нашиот став дека Банката на Англија ќе ги намали каматните стапки повеќе отколку што очекуваат инвеститорите, на 3,5 отсто следната година“, изјави Рут Грегори од „Capital Economics“.
Пазарите во моментов не го земаат предвид толку наглото намалување на основната каматна стапка на централната банка. Аналитичарите очекуваат британската централна банка Bank of England (BoE) да ги задржи каматните стапки стабилни на 4,25 отсто на следниот состанок подоцна овој месец.
Слични новости
Расте јазот меѓу богатите и сиромашните во Европа
Според податоците од Европската централна банка (ЕЦБ), најбогатите 10% од населението во Еврозоната поседувале 57,3% од вкупното нето богатство на домаќинствата во последниот квартал од 2024 година
Американските берзански индекси дополнително паднаа откако Иран возврати на нападот на Израел
Во Соединетите Американски Држави, берзанскиот индекс Dow Jones падна за повеќе од 800 поени, или за околу 2 насто, додека S&P 500 и Nasdaq, паднаа за околу 1 насто.
Нафтата и златото поскапеа на берзите, како резултат на војната на Блискиот исток
Нафтата Брент скокна дури за 7 проценти и достигна цена од 75 долари по барел, што е највисоко ниво на цената на нафтата од април.