Министрите за надворешни работи на Европската унија треба да се состанат во понеделник за да разговараат за нова иницијатива која би можела да обезбеди милијарди евра дополнителна воена помош за Украина.
Високата претставничка на ЕУ за надворешна политика Каја Калас предложи на Украина да ѝ се обезбеди помош вредна меѓу 20 и 40 милијарди евра, јави dpa. Земјите-членки на ЕУ би придонеле за оваа сума врз основа на нивната економска сила.
Со цел да се спречи можното вето од страна на поединечни влади, учеството во иницијативата би било доброволно, се наведува во текстот до кој пристап имала германската новинска агенција dpa.
Унгарија во минатото одбиваше да ја поддржи воената помош на ЕУ за Украина, нарекувајќи ја бесмислена и велејќи дека ја продолжува војната и страдањата на цивилите.
Министрите за надворешни работи не се очекува да постигнат договор за иницијативата, велат дипломатите, сугерирајќи дека ќе бидат потребни дополнителни разговори меѓу челниците на земјите. Тие треба да се сретнат во четврток на самит.
За некои земји, како Германија, поддршката предложена од Калас не би била проблем. Берлин веќе одобри помош од вкупно 4 милијарди евра за оваа година, а наскоро ќе бидат додадени уште 3 милијарди евра.
Меѓутоа, другите големи земји како Франција, Италија и Шпанија би морале значително да ја зголемат поддршката за Украина доколку сакаат да дадат придонес во фондот што е пропорционален на нивната економска сила.
Покрај финансиските ветувања, иницијативата поставува и цел за земјите-учеснички да достават два милиони парчиња артилериска муниција во Киев оваа година.
Други теми на агендата на состанокот се односите на ЕУ со САД, нејзината политика кон Иран и ситуацијата на Блискиот исток, како и Сирија.
Слични новости
Уницеф предупреди дека еден милион деца во Газа се мачат за да преживеат
Стотици илјади деца немаат чиста вода ниту основни услови за хигиена, а еден милион не ги задоволуваат основните потреби и се мачат за да преживеат“ изјави регионалниот директор на УНИЦЕФ во Газа Едуард Бајгбејдер
Трамп најави разговор со Путин во вторник
Американскиот претседател Доналд Трамп најави дека во вторник ќе разговара со рускиот претседател Владимир Путин за можниот крај на тригодишната војна во Украина, по позитивниот исход од разговорите меѓу американските и руските претставници во Москва
Трамп и Путин ќе разговараат за Украина во наредните денови, според американскиот претставник Виткоф
Американскиот претседател Доналд Трамп и неговиот руски колега по должност Владимир Путин се очекува да разговараат во наредните денови, објави во неделата американскиот специјален пратеник за Украина и Русија, Стив Виткоф, додека САД вршат притисок врз Русија да се согласи на прекин на огнот со Украина