Министерството за војна на САД им ги одзеде акредитациите и безбедносните пропусници на повеќето водечки американски медиумски куќи, откако редакциите одбија да ги потпишат новите правила за соработка со Пентагон, пренесува Гардијан.
Британскиот весник објавува дека со новите правила, Пентагон бара од новинарите да објавуваат строго официјални информации кои ги доставува министерството за војна и да се воздржат од користење на анонимни извори во известувањето за воени прашања.
Повеќето редакции ги оцени овие правила како напад врз новинарските слободи и одби да ги прифати.
Меѓу медиумите кои одбија да ја потпишат спогодбата се Вашингтон пост, Њујорк тајмс, Си-Ен-Ен, Гардијан, Ројтерс, Асошиејтед прес, Хафпост и Брејкинг дифенс.
Одлуката за укинувањето на акредитациите дополнително ги зголеми тензиите меѓу воениот естаблишмент и медиумите во САД, каде што прашањето на транспарентноста на работата на Пентагон веќе подолго време е предмет на јавни расправи.
Слични новости
Мировниот договор за Украина е многу блиску, вели американскиот претставник Келог
Претставникот на американскиот претседател Доналд Трамп за Украина изјави дека договорот за завршување на војната во Украина е „многу блиску“ и дека сега зависи од решавањето на две главни отворени прашања – иднината на украинскиот регион Донбас и нуклеарната централа Запорожје
Кинески авиони насочиле воен радар кон јапонски авиони
Јапонија во неделата соопшти дека кинеските борбени авиони насочиле радар за контрола на оган кон јапонски воени авиони во два „опасни“ инциденти во близина на островската група Окинава во Јапонија, тврдење што Пекинг го негираше
САД престанаа да ја означуваат Русија како „диркента закана“, Кремљ е задоволен
Кремљ го поздрави потегот на администрацијата на американскиот претседател Доналд Трамп да ја ревидира својата стратегија за национална безбедност и да престане да ја нарекува Русија „директна закана“, изјави во неделата портпаролот Дмитриј Песков