Фудбалерите на Аталанта како гости ја победија екипата на Милан на Сан Сиро со 3:2. Аталанта целосно го надигра домаќинот кој со овој пораз падна од второто на четвртото место на две кола пред крајот и си ја закомпликува позицијата во борбата за Лигата на шампионите.
Аталната поведе со 2:0 во првото полувреме, а со голот на Распадори во 52-та минута се чинеше дека гостите од Аталанта го заклучија натпреварот.
Страхиња Павловиќ постигна гол со глава по корнер на Милан на две минути пред крајот, а Енкунку во третата минута од судиското надополнување постигна гол од пенал и го направи натпреварот интересен во самиот финиш, но Аталанта ги сочува трите бода.
Милан на две кола пред крајот има 47 бодови колку и петопласираната Рома, а Јувентус на третата позиција има 48 бодови. Во последните две кола ќе се реши кои два од овие три тима ќе играат следната година во ЛШ.
Слични новости
Тотенхем бара вина за лошата сезона во судењето
Според извори на Би Би Си Спорт, клубот посебно се фокусирал на недоследните одлуки што доведоа да се признаат или поништат голови по контакти во шеснаесетникот. Тотенхем смета дека е оштетен во повеќе наврати во текот на сезоната.
Киксот на Ливерпул против Вулвс може да го чини учество во Лигата на шампионите
Вулвси го дадоа победоносниот гол во четвртата минута од судиското надополнување, што е дури осми гол што го прима ЛИверпул во судиското надоместување на времето.
Оклахома и Лејкерс очекувано ги победија Сакраменто и Далас
По серијата порази Лејкерси утринава ја забележија и втората победа во низа врз ослабениот тим на Сакраменто со 124:108. Лука Дончиќ забележа 28 коша и 9 асистенции, а ветеранот Леброн Џејмс даде 24 коша за Лејкерс.