Милано е првиот голем италијански град кој воведе речиси целосна забрана за пушење, подготвувајќи се да наметне построги казни кога уредбата ќе стапи на сила.
Од 1 јануари луѓето можат да пушат на јавни места само ако се оддалечени најмалку 10 метри од други луѓе или се соочуваат со казна до 240 евра.
Вториот по големина италијански град го забрани пушењето на игралишта, гробишта, автобуски постојки, паркови и спортски објекти во 2021 година.
Новата забрана се однесува само на традиционалните тутунски производи како цигари, пури или цигарилоси, а луѓето сè уште можат да пушат електронски цигари на отворено.
Овој потег ја спроведува уредбата донесена од градскиот совет пред неколку години во обид да се подобри квалитетот на воздухот и доаѓа во време кога и другите европски градови размислуваат да забранат пушење на отворено.
Милано, клучен финансиски и економски центар со повеќе од 1,3 милиони жители, е еден од најзагадените градови во Италија.
Забраната, како што се објаснува, е насочена кон намалување на здравствените ризици, бидејќи околу 9.000 луѓе годишно умираат во Италија поради употреба на тутун. Според официјалните податоци, пушењето цигари во регионот на Ломбардија сочинува 7 отсто од емисиите на честички.
Слични новости
Заврши снимањето на војната на розите со Бенедикт Камбербач и Оливија Колман
Римејкот на „Војната на розите“ во кој главните улоги ги толкуваат Бенедикт Камбербач и Оливија Колман е завршен и неговата премиера е закажана за 29 август, соопшти студиото Срчлајт пикчерс.
Јутјуб најгледан кај дистрибутерите на телевизиски контент во САД
Интересен е фактот што Јутјуб го зазеде првото место поради изненадувачкиот пораст на популација над 50 години која гледа Јутјуб, која ги надмина по гледаност луѓето на возраст меѓу 18 и 34 години.
На аукција стотици велосипеди заборавени на германските железнички станици
Околу 2.700 велосипеди се наоѓаат секоја година на околу 5.400 станици низ целата земја, рече портпаролката на „Deutsche Bahn“