Зоран Милановиќ денеска свечено положи заклетва за втор мандат претседател на Хрватска пред претседателот на Уставниот суд, Мирослав Шепаровиќ, ветувајќи лојалност кон Уставот и оти ќе ја извршува должност за доброто на хрватскиот народ и хрватските граѓани.
На инаугурацијата присуствуваа поранешни претседатели, претставници на институциите, на армијата, на верските заедници, лидери на партии, но немаше претставници од Владата на Хрватска.
Вториот петгодишен мандат на Милановиќ официјално почнува во среда.
„Основна задача на државните институции е да го зачуваат мирот и безбедноста на граѓаните, а не мислам само на мирот и безбедноста во најелементарна, физичка смисла. Втората, речиси подеднакво важна цел е да се осигури дека тешките времиња не станат драматични времиња. Исто така, за да не се става најголем товар на грбот на најслабите и најмалку заштитените, а од добрите години да не профитираат само оние најблиските до центрите на моќ, најагресивните, најкомпетентните. Нееднаквоста и корупцијата подмолно го нагризуваат општественото ткиво, како злобна болест. Неопходно е да се изградат и унапредат правни и општествени механизми кои ќе овозможат да не попуштаме материјално или духовно во лоши времиња, а во време на просперитет да ја одржуваме реалноста“, истакна Милановиќ.
Наведе дека другите држави и нации генерално не и посакуваат лошо на Хрватска, но оти кога се соочуваат „со изборот помеѓу нивните сопствени интереси и нашата благосостојба, тие секогаш ќе се одлучуваат за своите интереси, вклучувајќи ги и нашите пријатели и сојузници … Ова е реалноста на светот во кој живееме. Ова е повик да престанеме да нè занесуваат илузии, дека некој однадвор ќе се грижи за нас, кога ни е тешко или кога навистина ни е потребно“, наведе Милановиќ.
Според него сѐ што Хрватска постигнала е заслуга на хрватскиот народ.
„Наш интерес е само нашите институции да бидат независни, професионални и одговорни, како што се медиумите или како што звучи подобро новинарството. Ова е, меѓу другото, предуслов за стабилноста и функционалноста на нашиот уставно-правен поредок и нашиот демократски систем. Тоа е, на едноставен јазик, штит против самоволието и тиранијата“, истакна Милановиќ.
Слични новости
Поради Курти, Косово остана без поддршката на НАТО, САД и ЕУ, вели Харадинај
Лидерот на Алијансата за иднината на Косово (АБК) Рамуш Харадинај денеска го обвини премиерот Албин Курти дека со својата политика ги поделил граѓаните на Косово и ја оставил земјата без поддршка од НАТО, САД и Европската Унија
Кремљ го прифати извинувањето на Вучиќ поради гласањето за реолуцијата во ОН
Кремљ во вторникот соопшти дека го прифаќа извинувањето на српскиот претседател Александар Вучиќ еден ден претходно за гласањето на Србија за европска резолуција во ОН на годишнината од руската инвазија на Украина, велејќи дека тоа е „грешка“ што тој не можел да ја контролира поради премногу обврски.
БиХ: Се вжештува атмосферата во исчекување на пресудата за Додик
Босна и Херцеговина го исчекува објавувањето на пресудата оваа седмица од судскиот процсез на политичкиот лидер на босанските Срби, Милорад Додик, кој ветува „одговор“ и предизвикува страв од ескалација три децении по војната