Метео Беретини стана тениски амбасадор на саудискиот инвестициски фонд

Фондот за јавни инвестиции на Саудиска Арабија (PIF) го назначи италијанскиот тенисер Матео Беретини за свој тениски амбасадор, улога во која Италијанецот ќе се обиде да помогне во негувањето на следната генерација играчи и да се подигне овој спорт на глобално ниво.

Државниот капитален фонд направи значаен поход во тенисот последниве месеци, потпишувајќи се како официјален партнер за АТП и ВТА рангирањето, како и партнер на неколку турнири.

„Една од моите улоги е да ја инспирирам следната генерација, младите, децата. Заедно со PIF ќе можам да го направам тоа. Ова е една од најголемите работи што можам да ги направам“, рече поранешниот светски рекет број шест во видеото објавено на социјалните мрежи во понеделникот.

Во јануари, Шпанецот Рафаел Надал беше именуван за амбасадор на Саудиската тениска асоцијација, а Шпанецот рече дека сака да помогне во обуката на децата и да го зголеми интересот за овој спорт.

Беретини, кој претходно играше во Ријад на тенискиот куп Дирија во 2022 година, исто така ќе промовира инклузивност и ќе создаде можности на сите нивоа на спортот, се вели во соопштението на PIF.

Активистите за правата на жените и членовите на ЛГБТК заедницата ја обвинија Саудиска Арабија за „перење на спортот“ и ја критикуваа состојбата со човековите права во земјата, иако таа инвестира огромни суми пари во спортот, вклучително во фудбалот, Формула 1 и голфот.

globe

Слични новости