Германскиот канцелар Фридрих Мерц изјави дека САД се „понижени“ од иранското раководство, сугерирајќи дека администрацијата на Доналд Трамп е надмината на преговарачката маса.
Неговата изјава доаѓа откако Вашингтон ненадејно ја откажа новата рунда индиректни разговори со Иран во Исламабад, додека претходната средба исто така не даде никакви конкретни резултати.
За разлика од Мерц, Трамп изјави дека САД „ги држат сите карти“ и дека Иран треба сам да пристапи кон преговорите. Но, според германскиот канцелар, Техеран следи паметна стратегија со одолговлекување на процесот и избегнување на конкретни договори.
Во оваа клима на тензии, Иран презентираше нов предлог за прекин на огнот, првично фокусиран на повторно отворање на Ормутскиот теснец.
САД го отфрли предлогот на Иран, бидејќи не ја опфаќа главната цел на САД, а тоа е забрана на нуклеарната програма на Иран, а Техеран соопшти дека ќе преговара за нуклеарната програма, дури откако САД ќе ја укинат блокадата на Ормутскиот теснец.
Слични новости
Аксиос: Трамп ги разгледува опциите за Иран, вклучително и воена акција
Администрацијата на САД ги разгледува сите опции за Иран, а дипломатското решение кое би било прифатливо за Вашингтон е на Иран да му се дозволи „симболично“ збогатување на ураниум, под услов да нема можност за развој на нуклеарна бомба.
Британската Монархија во огромна криза по апсењето на поранешниот Принц Ендру
Британското кралско семејство се соочува со најтешката институционална криза во последните 90 години, откако беше уапсен Ендру Маунтбатен-Виндзор под сомнение за злоупотреба на јавна функција и поради неговата поврзаност со Џефри Епстин кој беше осуден сексуален претсапник.
Си-Ен-Ен: Американската војска е подготвена уште викендов да го нападне Иран
Американската војска е подготвена уште викендов да го нападне Иран, иако претседателот на Соединетите Амеерикански Држави Доналд Трамп сè уште не донел конечна одлука за одобрување на таква акција, пренесува „Си-Ен-Ен“.