Мелони вели дека американските царини се грешка, но не и катастрофа

 Американскиот претседател Доналд Трамп објави во средата дека ќе воведе царини од 10 отсто на целиот американски увоз, покрај повисоките царини за некои од најголемите трговски партнери на земјата, интензивирајќи ја трговската војна што започна откако тој се врати во Белата куќа.

Реципрочните царини, рече Трамп, се одговор на царините и другите нецарински бариери поставени за американските стоки во странство. Не беа поштедени ниту блиските сојузници на САД, вклучително и Европската унија, која се соочува со царини од 20 отсто.

Европските челници реагираа со огорченост, посочувајќи дека трговската војна ќе им наштети на потрошувачите и нема од нив нема да има полза ниту една од страните.

Мелони, кој важи за блиска на Трамп, во средата оцени дека царините наметнати од неговата администрација се „погрешни“ и нема да бидат од полза за САД.

„Ќе направиме сѐ што можеме за да работиме на договор со Соединетите држави, со цел да се избегне трговска војна која неизбежно ќе го ослабне Западот во корист на другите светски играчи“, напиша таа на Facebook имајќи предвид дека американскиот претседател преферира поединечно договорање со странските партнери пред колектините договори.