МВР со снимките од камерите на дискотеката “Пјур” ќе утврдува што се случило при инцидентот со полицајците

Од МВР потврдија дека ќе се бараат снимките од камерите пред дискотеката  “Пјур” за да се утврди што во саботата рано наутро се случило при полициска интервенција.

-Доставено е известување со барање за Наредба за снимките во дискотеката, за да ги обезбедиме снимките, а по анализа на истите ке се поднесе соодветна пријава,

Независниот полициски синдикат тврди дека имало интервенција од висок функционер за да се промени правецот на истрагата бидејќи двајца полицајци се нападнати и повредени.

Адвокатот на еден од првично приведените негираше политичка интервенција и обвини дека повеќе полицајци ги натепале приведените.