Мбапе не е загрижен за истрагата за силување

Францускиот напаѓач призна дека бил изненаден по пишувањата на шведските медиуми.

„Бев изненаден. Секогаш ме изненадува начинот. Ништо не добив, никаква покана. Го читам истото што и сите други. Шведската влада не кажа ништо. Не сум загрижен. Тоа е само недоразбирање. Не ми пречеше, бидејќи никогаш не се чувствував загрижен. Има многу бука, но секогаш ја истав намерата, а тоа е да се концентрирам на својата работа и да видам како тоа ќе заврши“, рече францускиот репрезентативец.

Запрашан дали ќе одговори на евентуална покана од шведскиот правосуден систем, ѕвездата на „Сините“ одговори потврдно.

„Доколку правдата ме повика, едноставно ќе заминам“, додаде тој.

Мбапе изјави дека сонувал дека еден ден ќе заигра за Реал Мадрид, но ги коментираше и неговите неубедливи почетни настапи во дресот на „Кралскиот клуб“, како и тврдењата дека е во депресија.

„Отсекогаш сум сонувал за Реал Мадрид. Не знам кога и како, но знаев дека ќе играм тука. Не е најдобриот почеток на сезоната, но се подготвуваме за трофеи кои ќе ни бидат важни. Веќе го освои Суперкупот на Европа. Не е на нивото на она што го очекувавме, но тоа го очекуваме во вториот дел од сезоната“, рече.

Мбапе продолжи: „Могу сум среќен. Започнувам нова фаза во мојот живот. Прво искуство во странство. Открив прекрасна земја, со гостопримливи луѓе. Тоа е кул земја. Но, луѓето нè гледаат како роботи. Ние сме луѓе како и сите други. Луѓето не критикуваат и фалат. Имав моменти кога бев уморен, но не бев депресивен. Има луѓе кои се навистина депресивни, мора да им помогнеме. Во еден момент се почувствував исцрпено. Немав периоди на одмор, имав спортски разочарувања“.

Тој ги коментираше и неговите игри на ЕУРО во Германија, каде „Триколорите“ загубија во полуфиналето од подоцнежниот шампион на Шпанија.

„Се распаднав на ЕУРО, бев уморен. Сакав да останам затоа што давате сѐ за француската репрезентација. Но, тоа беше исцрпувачки“, рече тој.

Се осврна и на своите седум години поминати во ПСЖ.

„ПСЖ ми значеше многу. Поминав седум години, тоа е супер интензивно место, во добро и во лошо. Имав неверојатни седум години. Имав конфликти со луѓето, ги бранев моите права како играч, но тоа не го претставуваше клубот. Никогаш не мешав сè со играчите, луѓето во кампусот, луѓето од персоналот. Можев да бидам поизразен со навивачите. Секогаш ја одржував таа врска со ПСЖ. Тоа е врска која не може да се прекине така. Ја испишав мојата приказна во Париз. Уривав рекорди, освојував титули. Сега сум во најдобриот клуб во светот“, изјави на крајот.