На напаѓачот на Реал Мадрид, Килијан Мбапе, му беа потребни само шест минути и 42 секунди за да постигне три гола против Олимпијакос во Лигата на шампионите.
На тој начин, Мбапе го постигна вториот најбрз „хет-трик“ во Лигата на шампионите. Рекордот сè уште го држи Мохамед Салах, кој постигна три гола за шест минути и 12 секунди во победата на Ливерпул од 7>1 против Ренџерс во октомври 2022 година.
„Беше многу важно да се победи. Знаеме дека три натпреварa без победа се многу за тим како нас. Беше тежок натпревар, тешко е да се победи тука“, рече францускиот напаѓач по победата на Реал од 4:3 во Пиреја.
Во 92 настапи во Лигата на шампионите за Монако, Пари Сен Жермен и Реал Мадрид, Мбапе сега има пет хет-трика.
Трет на листата на најбрзи хет-трикови е Бафетимби Гомис, кој постигна три гола во рок од осум минути во победата на Лион од 7:1 над Динамо Загреб.
Мбапе постигна вкупно четири гола на натпреварот против Олимпијакос, приклучувајќи се на листата на играчи кои го оствариле овој подвиг. Рекордерите сè уште се Лионел Меси, Луиз Адријано и Ерлинг Халанд, со по пет гола на еден натпревар.
Слични новости
Сан Антонио го освоија првото место во групата Ц откако го победија на гости Денвер
Иако ослабени без суперѕвездата Виктор Вембенјама Сан Антонио Спурс извојуваа победа на гостински терен против Денвер Нагетс во исклучително ефикасен натпревар кој заврши 139:136.
Ф1: Пјастри ја започнува спринтерската трка од пол-позицијата
Австралиецот Оскар Пјастри (Мекларен) ќе ја започне спринтерската трка од пол-позицијата за Големата награда на Катар од Светското првенство во Формула 1 која на програмата е в сабота
Слот засега останува тренер на Ливерпул, но под огромен притисок
Арне Слот порача дека продолжува да се бори и се обидува да ја поправи формата и резултатите на тимот. В недела Ливерпул игра против Вест Хем, и ако тимот не победи Слот веројатно ќе биде сменет.