Мајкрософт вложува 10 милијарди долари во развој на центар за податоци во Португалија

Американскиот технолошки гигант Мајкрософт денеска соопшти дека ќе вложи 10 милијарди долари во развој на центар за податоци на брегот на Португалија во градот Синес кој се наоѓа на околу 150 километри од главниот град Лисабон.

Ова вложување на Мајкрософт е едено од најголемите вложувања во Европа оваа година, а се реализира во партнерство со португалскиот девелеопер Стар кампус и британската старт ап компанија Енскеил.

Планирана е изградба на шест објекти кои ќе бидат центри за податоци, а првиот објект веќе е изграден, пренесува Ројтерс.