„Мајкл“ и „ Ѓаволот носи Прада 2“ далеку ги надминаа очекувањата

Биопикот „Мајкл“ за поп иконата Мејкл Џексон и натаму остварува добра заработка на американскиот Бокс офис, а викендов беше трет со заработка од нови 20 милиони долари.

„Мајкл“ само во Америка досега има заработено 321 милион долари и импресивни 789 милиони долари вкупно, што го прави втор најуспешен филм во 2026 зад „Галаксијата на Супер Марио“ кој заработи 980 милиони долари.

Над сите очекувања се и резултатите на „Ѓаволот носи Прада 2“ на Бокс офисот. Филмот кој е секвел на културниот моден репер од 2006-та со истиот каст предводен од Мерил Стрип, веќе ја надмина бројката од заработени 600 милиони долари и 200 милиони долари заработка во САД, со што е петти најуспешен филм годинава.