Кога една земја е кандидат за членство во ЕУ, како што е Србија, очекуваме да се однесува европски, но вчера усвоените измени на правосудното законодавство претставуваа сериозен застој во тој поглед, изјави денеска еврокомесарката за проширување Марта Кос пред почетокот на Советот за надворешни работи на Унијата.
– Овие амандмани беа усвоени на многу брз и нетранспарентен начин, без никакви консултации, додаде Кос.
Според неа, интересно е да се види дека во услови кога има нова динамика во процесот на проширување на ЕУ и кога Албанија и Црна Гора напредуваат брзо кон членство, Србија оди во спротивна насока.
– Навистина не разбирам зошто се случува ова, но тоа не е она што сакаме да го видиме. Затоа навистина го повикувам српскиот Парламент што е можно поскоро да ги ревидира овие закони и да го усогласи правосудното законодавство со европските стандарди. Навистина сè уште сакаме Србија да стане дел од Европската Унија и нема да престанам да работам на тоа, истакна Кос.
Слични новости
Блискиот исток во пламен: Иран и Хутуте го гаѓаат Израел со ракети
Со лансирањето на ракети врз Израел од страна на јеменските Хути, дојде до ескалација на конфликтот што го зафати целиот Блиски исток, пренесува Ројтерс.
Мерц: Потезите на Трамп се опасна ескалација со неизвесен исход
Германскиот канцелар Фридрих Мерц упати остри критики до американскиот претседател Доналд Трамп, оценувајќи дека неговите постапки во врска со конфликтот во Иран претставуваат „огромна ескалација“, а не обид за мир.
Иран ја погоди базата „Принц Султан“ во саудиска Арабија ранети 12 американски војници
Најмалку 12 американски војници се ранети при ирански ракетен напад врз воздухопловната база „Принц Султан“ во Саудиска Арабија, јавија западни медиуми, повикувајќи се на официјални претставници на САД.