Манчестер Јунајтед ќе ги зголеми цените на сезонските билети за пет отсто
Англискиот фудбалски гигант Манчестер Јунајтед одлучи да ги зголеми цените на сезонските билети за следната сезона за приближно пет отсто, со цел да ги ублажи финансиските проблеми.
„По 11 години замрзнати цени, ги зголемивме цените на билетите за пет проценти во последните две години, а имаме намера да го сториме истото следната година за да ги ублажиме оперативните трошоци. Разбираме дека какво било зголемување на цената не е добредојдено, особено за време на лоши резултати на теренот, но клубот одлучи дека не би било фер цените на билетите да останат исти додека сите други трошоци растат. Ова поскапување е минимално, а од него ги заштитивме и нашите најмлади претплатници“, објасни извршниот директор на Јунајтед, Омар Берада.
Најавеното поскапување значи дека цените на сезонските билети ќе се зголемат во просек за 2,5 фунти.
Од Здружението на приврзаници на Манчестер Јунајтед ја коментираа ваквата одлука дека поскапувањето е помало од очекуваното, но сепак изразија незадоволство што тоа воопшто се случило.
Минатиот месец Јунајтед објави дека ќе отпушти од 150 до 200 вработени во клубот за да ги намали трошоците, а минатата недела ги претстави плановите за изградба на нов стадион со 100.000 седишта, чија изградба ќе чини околу два милиони фунти.
Се проценува дека сегашниот долг на Манчестер Јунајтед е околу еден милион фунти.
Слични новости
Милан се откажа од купувањето на Жоао Феликс кој игра за нив како позајмица
Милан се откажа од откуп на договорот на Феликс бидејќи во последно време тој игра слабо за тимот на Милан, што значи дека Португаецот на крајот од сезоната сепак ќе се врати во екипата на Челси.
Лејкерси се пробија на четвртото место со победа врз Сан Антонио
Лос Анџелес Лејкерс ја забележаа втората победа по ред без Леброн Џејмс, на домашен терен против тимот на Сан Антонио. Најефикасен играч кај Лејкерс беше Остин Ривс со 30 поени, додека Лука Дончиќ даде 21 кош и подели 14 асистенции.
Денвер Нагетс без Јокиќ и Мари ги победија Голден Стејт
Во дербито на западната конференција Денвер Нагетс на гости неочекувано ги победија Голден Стејт Вориорс со 114:105. Голден Стејт беа огромни фаворити затоа што Денвер настапија без тројца играчи од првата петорка поради повреди: Никола Јокиќ, Џамал, Мари и Кристијан Браун.