Во последниот натпревар од 23. коло на англискиот фудбалски шампионат, Манчестер Јунајтед го совлада Фулам на гостински терен со 1:0. Решавачкиот гол го постигна Лисандро Мартинез во 78. минута. Така, Манчестер Јунајтед сега има 29 бодови и е на 12-то место, додека Фулам е 10-ти со 33 бодови.
Aстон Вила и Вест Хем одиграа нерешено 1:1. Вила поведе во осмата минута преку голот на Џејкоб Ремзи, а израмни Емерсон во 70. минута. Астон Вила е осма со 37 бодови, а Вест Хем има десет бодови помалку и е на 13-то место.
На претходните натпревари Лестер Сити и Брентфорд остварија гостински победи. Лестер Сити во Лондон го совлада Тотенхем со 2:1, а Брентфорд со идентичен резултат славеше против Кристал Палас.
Тоа беше прва победа за Лестер по шест последователни победи во лигата. Тотенхем поведе во 33. минута со голот на Ричарлисон, но гостите во првите пет минути го свртеа резултатот со головите на Џејми Варди 46. и Билал Ел Канус во 50. минута.
Лестер сега е на 17-то место со 17 бодови, еден повеќе од безбедната зона. Тотенхем е на скромното за неговото реноме 15-то место со 24 бодови.
Брентфорд освои три бода и против Кристал Палас. Брајан Мбемо од пенал во 66. и Кевин Шаде во 80. минута погодија за гостите, додека Ромен Есе во 85. минута за домаќините. Брентфорд е на 11-то место со 31 бод, додека Кристал Палас е едно скалило подолу со 27 бодови.
Слични новости
Ливерпул по денешната победа на гости кај Бормут со девет бодови предност
Фудбалерите на Ливерпул денеска извојуваа тешка победа на гости против незгодниот тим на Бормут од 2 спрема нула со головите на Мохамед Салах.
Денвер ја победи Филаделфија со 8 коша на Јокиќ во последната минута
Кошаркарите на Денвер како гости утринава ја победија екипата на Филаделфија со 137:134 и така ја прекинаа низата од три порази по ред..
Евролига: Ѕвезда во последната секунда го совлада Партизан
Кошаркарите на Партизан беа домаќини на Црвена ѕвезда во 24. коло од Евролигата, а драматичниот меч беше решен дури во последната секунда