Во последниот натпревар од 23. коло на англискиот фудбалски шампионат, Манчестер Јунајтед го совлада Фулам на гостински терен со 1:0. Решавачкиот гол го постигна Лисандро Мартинез во 78. минута. Така, Манчестер Јунајтед сега има 29 бодови и е на 12-то место, додека Фулам е 10-ти со 33 бодови.
Aстон Вила и Вест Хем одиграа нерешено 1:1. Вила поведе во осмата минута преку голот на Џејкоб Ремзи, а израмни Емерсон во 70. минута. Астон Вила е осма со 37 бодови, а Вест Хем има десет бодови помалку и е на 13-то место.
На претходните натпревари Лестер Сити и Брентфорд остварија гостински победи. Лестер Сити во Лондон го совлада Тотенхем со 2:1, а Брентфорд со идентичен резултат славеше против Кристал Палас.
Тоа беше прва победа за Лестер по шест последователни победи во лигата. Тотенхем поведе во 33. минута со голот на Ричарлисон, но гостите во првите пет минути го свртеа резултатот со головите на Џејми Варди 46. и Билал Ел Канус во 50. минута.
Лестер сега е на 17-то место со 17 бодови, еден повеќе од безбедната зона. Тотенхем е на скромното за неговото реноме 15-то место со 24 бодови.
Брентфорд освои три бода и против Кристал Палас. Брајан Мбемо од пенал во 66. и Кевин Шаде во 80. минута погодија за гостите, додека Ромен Есе во 85. минута за домаќините. Брентфорд е на 11-то место со 31 бод, додека Кристал Палас е едно скалило подолу со 27 бодови.
Слични новости
Премиер лига: Арсенал го победи Манчестер Сити со 5:1
Во дерби натпреварот од 24. коло на англиската Премиер лига, фудбалерите на Арсенал на својот стадион „Емирати“ го совладаа Манчестер Сити со 5:1
Манчестер Јунајтед го доведе Данецот Доргу
Англискиот премиерлигаш Манчестер Јунајтед потпиша договор со 20-годишниот дански лев бек Патрик Доргу до 2030 година, објави во неделата клубот од Премиер лигата
Рудигер неизвесен, неизвесен за натпреварот против Манчестер Сити
Дефанзивецот на Реал Мадрид, Антонио Рудигер, го повреди мускулот на десната бутина на мечот против Еспањол во саботата и е неизвесен неговиот настап во првиот натпревар од плеј-офот од Лигата на шампионите против Манчестер Сити