Манчестер Сити го победи Борнмут со 3:1 на својот стадион „Етихад“, што ги турна „Граѓаните“ на второто место на табелата. Ерлинг Халанд постигна два гола за Сити, во 17. и во 33. минута, а за двата гола асистираше Рајан Черки. Нико О’Рајли го постигна третиот гол за домашниот тим во 60. минута. Тајлер Адамс го постигна во тој момент израмнувачкиот гол за гостите во 25. минута.
Тимот на Пеп Гвардиола се најде на второто место со 19 бода, шест бода зад лидерот Арсенал. Ливерпул и Борнмут имаат по 18 бода.
Вест Хем Јунајтед ја прекина серијата од три пораза, победувајќи го Њукасл Јунајтед со 3:1 на Олимпискиот стадион во Лондон во неделниот натпревар од 10-то коло на англиската Премиер лига.
Гостите поведоа во 4. минута со голот на Џејкоб Марфи, но пресвртот следеше до крајот на првото полувреме. Лукас Пакета израмни во 35. минута а автоголот на Свен Ботман им донесе водство на „Чеканите“ во петтата минута од судиското продолжение. Томаш Соучек ги постави конечните 3:1 во осмата минута од дополнителното време на крајот од второто полувреме.
Ова е само втора победа на Вест Хем во новата сезона, а со седум бода моментално се наоѓаат на 18-то место. Њукасл Јунајтед е на 13-та позиција со 12 бода.
Слични новости
Ескалира конфликтот во Ливерпул меѓу Арне Слот и Мохамед Салах
Медиумите известуваат дека Арне Слот нема да го стави Салах на списокот на фудбалери што ќе отпатуваат во Милано каде што Ливерпул игра меч од Лигата на шампионите против Интер.
Реал Мадрид во дербито на Лигата на шампионите против Манчестер сити без шестмина дефанзивци
Едер Милитао доживеа потешка повреда,, а претходно беа повредени Дани Карвахал, Трент-Александар Арнолд, Дин Хаусен, Ферлан Менди и Давид Алаба.
НБА: Лејкерс славеа со Дончиќ и Џејмс, 15-та победа по ред за Тандер
Лос Анџелес Лејкерс ги победија Филаделфија 76ерс со 112:108 на гостински терен синоќа, а Лука Дончиќ и Леброн Џејмс постигнаа заедно 60 поени откако се вратија во поставата