Фудбалерите на Манчестер Сити се пласираа во полуфиналето на англискиот Лига куп откако го победија Брентфорд со 2:0 пред своите навивачи. Рајан Черки ги доведе „Граѓаните“ во водство во 32-та минута, а Савињо ја потврди победата со гол во 67-та минута.
Место меѓу првите четири екипи избори и Њукасл Јунајтед со победа од 2:1 против Фулам. Јоане Виса им донесе водство на домашните во 10. минута, Саша Лукиќ израмни шест минути подоцна, а Луис Мајли им донесе победа на „Страчките“ во втората минута од судиското продолжение.
Челзи во вторникот стана првиот полуфиналист со победата од 3:1 на гостувањето кај Кардиф. Алехандро Гарначо го постигна водечкиот гол за лондонскиот клуб во 57. минута. Дејвид Тернбул израмни во 75. минута, пред Педро Нето да постигне гол во 82. минута, а вториот гол на Гарначо во третата минута од судиското продолжение го постави конечниот резултат 3:1.
Арсенал и Кристал Палас ќе го играат својот четвртфинален натпревар на 23 декември.
Слични новости
Реал oдвај го мина третолигашот во шпанскиот куп
Фудбалерите на Реал Мадрид обезбедија место во осминафиналето на шпанскиот Кралски Куп откако го победија третолигашот Талавера де ла Реина со 3:2 на гостински терен
ПСЖ победник во Интерконтиненталниот куп по пенал серијата со Фламенго
Фудбалерите на Париз Сен Жермен се победници на Интерконтиненталниот куп на ФИФА откако го победија бразилскиот Фламенго со 2:1 во финалето во катарски Ал Рајан по изведувањето на пенали
„Пикси“ пред ангажман во рускиот фудбалски клуб Рубин
Поранешниот селектор на репрезентацијата на Србија Драган Стојковиќ „Пикси“ уште оваа зима би можел да се врати на тренерското столче, два месеци откако даде оставка на функцијата селектор на српската репрезентација.