Актуелниот светски шампион, Холанѓанецот Макс Верстапен во билидот на Ред Бул, ја победата во трката за Големата награда на САД возена во Остин, 19-та рунда од светското првенство во Формула 1.
Ова беше петта победа на четирикратниот светски шампион во сезоната и 68-ма во неговата кариера. Холанѓанецот така го заокружи викендот во Тексас на најдобар можен начин откако ја освои спринт трката и ја обезбеди пол-позицијата.
Верстапен победи со 7,9 секунди предност пред Британецот Ландо Норис во Мекларен. Шарл Леклер од Монако во Ферари беше трет, 15,3 секунди зад него.
Победата на Верстапен на ГН на САД во ниеден момент не беше доведена во прашање, а во текот на целата трка имаше интересна борба за второто место меѓу Норис и Леклер. На крајот, второто место му припадна на Британецот.
Лидерот во генералниот пласман на Светското првенство, Австралиецот Оскар Пјастри од Мекларен, беше петти, намалувајќи ја својата предност. По денешниот резултат, Пјастри сега има само 14 поени пред Норис и 40 пред Верстапен.
Борбата за титулата светски шампион стана сè поинтересна. Пред нешто повеќе од еден месец се чинеше дека е само прашање на рамнотежа на моќ во тимот на Мекларен, но сега и бранителот на титулата Верстапен сериозно се вклучи во борбата.
Во пласманот на конструктори, Мекларен води со 678 поени, Мерцедес е втор со 341 поен, додека Ферари е трет со 334 поени.
Во календарот има уште пет трки, од кои првата ќе биде во Мексико Сити следната недела.
Слични новости
ПСЖ ја прекина победничката серија на Рен
Европскиот и француски првак Пари Сен Жермен во саботата вечер на домашен терен лесно го победи Рен со 5:0 во рамките на 15-то коло од француската Лига 1
Интер Мајами првпат ја освои МЛС
Фудбалерите на Интер Мајами, предводени од легендарниот Аргентинец, 38-годишниот Лионел Меси, ја освоија шампионската титула во МЛС првпат во својата историја откако како домаќини ги победија Ванкувер Вајткепс со 3:1 во финалето
Атлетик победи во дербито против Атлетико
Во дерби натпреварот од 15-то коло на шпанската Ла Лига, фудбалерите на Атлетик Билбао на својот стадион „Сан Мамес“ во саботата вечерта го победија Атлетико Мадрид со минимални 1:0