Францускиот претседател Емануел Макрон изјави во четвртокот вечерта дека е убеден дека Европската унија ќе мора повторно да прибегне кон заедничко задолжување за да го врати претходниот долг и за поголеми трошоци за одбраната.
„Убеден сум дека ни треба паневропски заеднички заем за да започнеме со отплата на долгот подигнат за закрепнување од пандемијата и за да можеме да ги финансираме нашите потреби во областа на вештачката интелигенција, одбраната, климата“, рече Макрон по завршувањето на самитот на ЕУ во Брисел.
Челниците на ЕУ ја одржаа својата прва дискусија за следниот седумгодишен буџет за периодот 2028-2034 година на нивниот самит што заврши во четвртокот навечер.
На прашањето колку се реални изгледите за ново задолжување на ЕУ за зајакнување на одбраната, неколку челници рекоа дека тоа не е исклучено. Но Макрон призна дека во моментов нема консензус на ЕУ за ова.
Германија, Холандија и северните членки на ЕУ традиционално се спротивставуваат на заедничкото задолжување. Сепак, Германија се предомисли и се согласи на голем долг од 800 милијарди евра за да ја спаси економијата од последиците на пандемијата на ковид-19.
Макрон рече дека е премногу рано да се каже каква позиција ќе заземе идниот германски канцелар Фридрих Мерц по ова прашање.
Слични новости
Ал Шара ја формира новата сириска преодна влада
Сирискиот претседател Ахмед ал-Шара ја претстави новата преодна влада, што претставува клучен чекор во транзицијата од долгогодишното владеење на семејството на Асад во Сирија
Трамп: Не ми е гајле дали поскапуваат автомобилите
Американскиот претседател Доналд Трамп во саботата рече дека не ги предупредил директорите на автомобилската индустрија да не ги зголемуваат цените бидејќи стапуваат на сила царините за автомобилите од странско производство, велејќи за NBC News дека „не му е гајле“ доколк тие и го сторат тоа
Финскиот претседател Стуб во ненајавена посета на Трамп на Флорида
Финскиот претседател Александер Стуб пристигна во сабота во ненајавена посета на САД, каде што се сретна со претседателот Доналд Трамп, со кого, меѓу другото, разговараше и за зајакнување на билатералното партнерство меѓу двете земји, а двајцата претседатели одиграа и голф