Париз е отворен за разговори за проширување на нуклеарниот чадор на Франција со своите европски партнери, рече претседателот Емануел Макрон во обраќањето до нацијата во средата вечерта, во кое предупреди дека Русија е „закана за цела Европа“.
Истакнувајќи ја „единствената улога“ на Франција во Европа благодарение на нејзината способност за нуклеарно одвраќање, Макрон рече дека е отворен да разговара за проширување на таа заштита на европските сојузници.
Во својот телевизиски говор, Макрон, исто така, истакна дека Франција ќе мора да почне да троши повеќе за одбраната и најави продолжување на помошта за Украина.
Тој, исто така, најави доаѓање на „нова ера“ поради промената на меѓународниот поредок, бидејќи САД имаат нова администрација.
„Знам дека со право сте загрижени за актуелните настани кои го нарушуваат светскиот поредок“, рече Макрон во својот говор.
„Русија стана закана за Франција и Европа“, тврдеше Макрон, додавајќи дека „да се гледа и да не се прави ништо би било лудост“.
Европските земји се обидуваат да ги зголемат трошоците за одбрана и да ја задржат поддршката за Украина, откако претседателот Доналд Трамп ја замрзна американската воена помош за Киев и покрена сомнеж за посветеноста на Вашингтон кон своите европски сојузници во НАТО.
Макрон најави и дека следната седмица планира меѓународен состанок за можното распоредување мировни трупи во Украина.
Ден претходно, Зеленски на социјалната мрежа Х напиша дека жали што средбата со американскиот претседател „тргнала наопаку“ и изразил подготвеност да работи под „силното раководство“ на Трамп за постигнување мир.
Зеленски во вторникот на социјалната мрежа Х објави дека е подготвен да го потпише договорот, велејќи дека жали за средбата во Овалната соба.
„Нашиот состанок во Вашингтон во Белата куќа во петокот не помина како што требаше. Украина е подготвена да дојде на преговарачка маса што е можно поскоро за да се приближи до траен мир“, напиша Зеленски во својата објава.
Како што забележува NYT, шефот на Белата куќа очигледно реагирал позитивно на зборовите на Зеленски. „Сепак, Трамп ја потврди неговата забрана за дополнително оружје и друга важна помош за Украина“, се вели во написот.
Слични новости
ЕУФОР: Распоредуваме воено засилување во БиХ
Военото засилување на ЕУФОР во Босна и Херцеговина почна да пристигнува, потврди во вторникот командата на силите на Европската унија во Сараево
Фон дер Лајен: Урнати се илузиите за европската безбедност
Илузиите за безбедноста на Европа се урнати и Европската унија мора веднаш да почне да инвестира значително повеќе во својата одбрана, изјави во вторникот претседателката на Европската комисија, Урсула фон дер Лајен, во обраќањето пред Европскиот парламент
Новинарите во Грција започнаа 24-часовен штрајк
Новинарите во Грција, организирани од Грчката федерација на новинарски асоцијации во која учествуваат сите новинарски здруженија, од пет часот утрово започнаа 24-часовен штрајк со што земјата денеска ќе биде без вести и информативни емисии